San Juan 6:31 - Bible in Tzeltal Bachajón

³¹ Te jme'jtatic la swe'ic maná ta jochol taquin q'uinal, hich te bin ut'il ts'ihbabil hilel: La swe'ic pan te talem ta ch'ulchan, xchihic.

Nuevo Testamento Tzeltal de Amatenango

³¹ Te antibo jmeꞌ-jtatike la sweꞌik te mana-waj ta jojchol tꞌantꞌan kꞌinale, jich tutꞌil te ya yal te Sjun Diose: “Dios a akꞌtalanbot sweꞌ waj te tal ta chꞌulchane”, xchi me —xchiik.

Bible in Tzeltal de Oxchuc y Tenejapa

³¹ Te namey q'uinal jme'-jtatique la swe'ic te maná-waj ta bay te muc'ul jochol taquin q'uinale, jich te bit'il ts'ibubil jilel ta june: “Ac'botic swe'ic waj te talem ta ch'ulchane”, te xie —xiic.

San Juan 6:31 ပူးပေါင်းရင်းမြစ်များ

Nehemías 9:15

La awac'ticlambe pan yu'un ch'ulchan scuenta slahmajtesbeyel swi'nalic, te c'alal taquin yo'tanic a la aloq'uesbe ha' yuch'ic ta muc'ul ton. La awalbe te ya me x'och yu'untayic te q'uinal te la atoy ac'ab soc la awal ta jamal te yac awa'be.

Nehemías 9:20

Soc la aticon talel te lequil espíritu awu'un scuenta yu'un ya xp'ijubtesotic yu'un. Ma ba la aquechan ya'beyel swe'ic maná, soc la awa'be yuch'ic ha' yu'un taquinti'il.

Salmos 105:40

La sc'an swe'elic, hich la sticombe xcuhch'inetic, soc la snojesbe sch'uhtic ta we'elil yu'un ch'ulchan.

Éxodo 16:35

Hich te snich'nab Israel la swe'ic maná cha'winic ha'bil ha to c'alal c'ohtic ta q'uinal te ay yajwal; la swe'ic maná ha to c'alal c'ohtic ta sti'il sq'uinal Canaán.

San Juan 6:32

La yal te Jesús: Tulan sc'oblal ya calbeyex, ma ha'uc te Moisés te la ya'beyex te pan talem ta ch'ulchan, pero ha te Jtat te ya ya'beyex te smelelil pan talem ta ch'ulchan;

San Juan 6:49

Te ame'atatic la swe'ic te maná ta jochol q'uinal, pero chamic stuquelic.

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

1 Corintios 10:3

soc spisilic pajal la swe'ic te we'elil scuenta espíritu

Deuteronomio 8:3

La ya'bat apehc'an aba, la ya'bat awi'nal soc la smac'linat ta maná, ha te we'elil te ma ba ana'beyej sba, ni ha'uc la sna'beyic sba te ame'atatic, scuenta yu'un ya ya'bat ana' te ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Jehová.

Josué 5:12

Ta yan c'ahc'al quehchaj te maná, ha te bin ora hahch swe'ic te sit ts'unub-awalil la yac' te q'uinale. Te snich'nab Israel mayuc bin ora la swe'iquix xan te maná, ha la swe'ic te bin la yac' te q'uinal ta Canaán ta hich ha'bil.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.