San Juan 5:44 - Bible in Tzeltal Bachajón

⁴⁴ ¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

Nuevo Testamento Tzeltal de Amatenango

⁴⁴ ¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

Bible in Tzeltal de Oxchuc y Tenejapa

⁴⁴ ¿Bit'il c'an ach'uunonic? Melel ja' nax ay sc'oplal ta awo'tanic te ich'el ta muc' yu'un te yantique. Ma ja'uc ya aleic te bit'il ya x'ac'otat ta ich'el ta muc' yu'un te Diose.

San Juan 5:44 ပူးပေါင်းရင်းမြစ်များ

2 Crónicas 6:8

Pero te Jehová hich la yalbe te jtat David: Te bin ut'il ay ta awo'tan te yac apas Na yu'un te jbihile, lec te bin anopoj ta awo'tan;

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

San Lucas 19:17

Lec ay, lequil a'batat. Te bin ut'il jun awo'tan la acuentahin te bin jteb la jca'bat acuentahin, ya ca'batix acuentahin lajunpahm pueblo, xchi te yajwal.

San Juan 12:43

Como c'ax hich la smulanic te lec ya x'ilotic yu'un ants-winiquetic te bin ut'il lec ya x'ilotic yu'un Dios.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 3:20

Como spisil te mach'atic ya spasic te bin chopol, ya yihlayic te sacal q'uinal, ma xtalic ta stojol te sacal q'uinal scuenta yu'un ma xchicnaj te ya'telique.

San Juan 5:41

Ma ba ya quich' ta cuenta te ya yalbon cutsilal ants-winiquetic.

San Juan 8:43

¿Bin yu'un te ma xana'beyic scuentahil te jc'ope? Como ma xhu' yac awa'iybonic te jc'ope.

Romanos 2:10

pero ay utsilal, ich'el ta muc' soc lamal q'uinal yu'un te mach'atic lec bin ya spasic, ha nahil te judío, soc nix te griego,

Romanos 2:29

ha mero judío te mach'a hich ay ta yo'tan, soc ha mero circuncisión te yich'oj ta yo'tan ta scuenta te Espíritu, ma ha'uc ta scuenta te bin ts'ihbabil. Te mach'a hich yo'tan, ma ha'uc tey ya xtal a te ya xhalbot lec sc'oblal yu'un winiquetic, ha ya xhalbot lec sc'oblal yu'un te Diose.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

2 Corintios 10:18

Como ma ha'uc lec sc'oblal c'ohem te mach'a ha nix ya yal te lec sc'oblale, ha lec sc'oblal stuquel te mach'a ya xhalbot lec sc'oblal yu'un te Diose.

Filipenses 2:3

Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

1 Tesalonicenses 2:6

Ma ba la jlehcotic te ya yalbotic yutsil jc'oblalcotic te ants-winiquetic, teme ha'ex o yantic, aunque hu' cu'uncotic ya'belex awihcatsic te bin ut'il jpuc-c'opotcotic yu'un Cristo.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

Hebreos 3:12

Ha yu'un tsahtaya me abahic, quermanotac, te ma me ayuc mach'a ay chopol yo'tan te ma sch'uhun, te ya spit sba ta stojol te cuxul Dios.

Santiago 2:1

Quermanotac, te ay sch'uhunel awo'tanic ta stojol te Cajwaltic Jesucristo te ay yutsilal, ma me tsahbiluc nax mach'a yac awich'ic ta cuenta.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Judas 1:25

te hip jtuhl Dios, te Jcoltaywanej cu'untic, ayuc me yutsilal, muc' yutsil ya'tel, cuentahinwanej soc yu'el, yo'tic soc ta sbahtel q'uinal. Hichuc.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.