San Juan 5:42 - Bible in Tzeltal Bachajón

⁴² Pero ya jna'beyex awo'tanic, te mayuc ta awo'tanic te sc'uxul yo'tan te Diose.

Nuevo Testamento Tzeltal de Amatenango

⁴² Sok ya jnaꞌ tutꞌ ay te awoꞌtanike sok jnaꞌoj te ma akꞌanojikuk te Diose.

Bible in Tzeltal de Oxchuc y Tenejapa

⁴² Ya jna' te bit'il ay te awo'tanique te ma c'uxuc ya awaiyic ta awo'tanic te Diose.

San Juan 5:42 ပူးပေါင်းရင်းမြစ်များ

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

San Juan 2:25

ma yu'unuc la sc'an te ay mach'a ya yalbe bin ut'il ay yo'tan te ants-winic, como sna'oj stuquel te bin ay ta yo'tan.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Juan 5:41

Ma ba ya quich' ta cuenta te ya yalbon cutsilal ants-winiquetic.

San Juan 5:43

Talemon ta scuenta sbihil te Jtate, pero ma xawich'onic ta cuenta. Teme ay yan te ya xtal ta scuenta sbihil nix, ha yac awich'ic ta cuenta stuquel.

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

San Juan 8:55

Pero ma xana'beyic sba te Diose. Yan te ho'one, ya jna'be sba. Teme ya cal te ma jna'be sba, yacon ta lot hich te bin ut'il te ha'exe. Pero ya jna'be sba soc jcanantaybeyej te sc'ope.

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

1 Juan 2:15

Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

1 Juan 3:17

Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.