San Juan 5:4 - Bible in Tzeltal Bachajón

⁴ como ay ch'ul a'bat te ya xco tal ta jujun yorahil ta yawil ha' soc ya syuc' te ha'e. Te mach'a nahil ya x'och ta yawil ha' te c'alal yuc'bilix a te ha'e, ya xlecub yu'un biluc chamelil te yich'oje.

Nuevo Testamento Tzeltal de Amatenango

⁴ porke ay jtul chꞌul ángel ya xkoj tal sok ya stijulan jilel te jaꞌ te ba ay te estankee. Y te machꞌa primero ya xꞌoch te kꞌalal ya xtal tijek jilel te jaꞌe, ya xlekub jilel tutikuk chamelil te yichꞌoje.

Bible in Tzeltal de Oxchuc y Tenejapa

⁴ yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]

San Juan 5:4 ပူးပေါင်းရင်းမြစ်များ

2 Reyes 5:10

Te Eliseo la sticon ta halbeyel: Bahan, poca aba huqueb buelta ta muc'ul-ha' Jordán, ya me xlecub abaq'uetal yu'un soc hich lec ya xhilat, xchi.

Salmos 119:60

Ya jsuj jba, ora nax ya jpas te mandariletic awu'une.

Proverbios 6:4

Ma me xwayat, ma me xamuts' asit;

Proverbios 8:17

C'ux ta co'tan te mach'a c'uxon ta yo'tan, soc te mach'atic ya slehonic ya stahonic.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Ezequiel 47:8

Hich la yalbon: Te ha' ini ya x'oquin bahel ta q'uinal ta stojol banti ya xloc' tal c'ahc'al, ya xco bahel ta Arabá, ya x'oquin ochel ta Mar Muerto. C'alal ya x'och ta mar, ya xlecub yu'un te ha'e.

Oseas 13:13

Ya xtal sc'uxul ta stojol hich te bin ut'il ants te ya x'ayin yal, pero ha jtuhl nich'anil te mayuc sp'ijil, como ta yorahil ma ba la yac' sba yu'un ya x'ayin.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

Zacarías 14:8

Ta hich ora ya xloc' cuxul-ha' ta Jerusalén, j'ohlil ya x'oquin bahel ta mar ta stojol sloq'uib c'ahc'al, j'ohlil ya x'oquin bahel ta mar ta stojol smahlib c'ahc'al, hich ya spas ta yorahil snahtil c'ahc'al soc ta yorahil scomil c'ahc'al.

San Mateo 11:12

C'alal ta yorahil te Juan te J'ac'-ich'-ha' yalel c'alal ora, bayel ya yich' uts'inel te cuentahinel yu'un te ch'ulchan, soc te j'uts'inwanejetic ya sc'an ya stsaquic ta fuersa.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

San Lucas 13:24

Ac'ahic fuersa ta ochel bahel ta banti tut nax sjamalil te ti'nahile, como ya calbeyex te ay tsobol mach'atic ya sc'an ya x'ochic tey a, pero ma ba ya xhu' yu'unic.

San Lucas 16:16

Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

San Juan 5:3

Tey metsajtic tsobol jchameletic a, ts'o'sitetic, coxo'etic soc mach'atic chamen schihalic te yac smahliybelic te ya syuc' sba te ha'e,

San Juan 5:5

Ay jtuhl winic tey a te ayix waxaclajuneb scha'winic (38) ha'bil te ay ta chamel.

San Juan 5:7

La sjac' te jchamele: Tat, mayuc mach'a ay cu'un te ya yotseson bahel ta yawil ha' te c'alal ya syuc' sba; ma to ba jtahoj c'ohel a, yan mach'a cohemix bahel a, xchi.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.