San Juan 5:39 - Bible in Tzeltal Bachajón

³⁹ Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

Nuevo Testamento Tzeltal de Amatenango

³⁹ Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

Bible in Tzeltal de Oxchuc y Tenejapa

³⁹ Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

San Juan 5:39 ပူးပေါင်းရင်းမြစ်များ

Salmos 1:2

te ha ya smulan te ley yu'un Jehová, soc ya sna'ulan ta c'ahc'al ahc'abal.

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Salmos 133:3

Pajal soc te sts'ujulel wits Hermón te ya xco tal ta sba te witsiltic yu'un Sión, yu'un tey ya yac' tal bendición a te Jehová soc cuxlejal scuenta sbahtel q'uinal.

Salmos 16:11

Yac awa'bon quil te sbehlal cuxlejal; ay bayel tse'el-o'tanil ta atojol, ta awa'el ay bintic mulantic sba sbahtel q'uinal. Te bin la yal David ta sc'oponel Dios.

Salmos 21:4

La sc'ambat scuxlejal, hich la awa'be, ha naht scuxlejal te sbahtel q'uinal ay.

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Proverbios 6:23

Como ha tsumbil c'ahc' te mandariletic, ha sacal q'uinal te jnohptesel, soc ha sbehlal cuxlejal te tojobteseletic,

Isaías 34:16

Ilawil ta libro yu'un Jehová, mayuc jcohtuc te ya spas falta, mayuc ya spas falta jcohtuc soc yantsilel. Como ha nix te Jehová te la yal mandar, soc ha nix te espíritu yu'un te la stsobticlan.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

San Mateo 22:29

La sjac' te Jesús: Howiyemex ta c'op, ma xana'ic bin ya yal ta Shun Dios soc bin ut'il ay yu'el te Diose.

San Marcos 10:3

Hich halbotic yu'un te Jesús: ¿Bin la spasex ta mandar te Moisés? xchi.

San Marcos 12:10

¿Ma bal awilojic te bin ts'ihbabil ta Shun Dios: Te ton te ch'ayot hilel yu'un te jpas-nahetic, ha mero yich'o-ip xuhc na c'oht.

San Lucas 16:29

Yich'ojic te shun Moisés soc te jalwanejetic, ha ac'a ya'iybeyic sc'op, xchi te Abraham.

San Lucas 16:31

La yal te Abraham: Teme ma sc'an ya ya'iybeyic bin la yal te Moisés soc te jalwanejetic, ma ba ya xc'oht ta yo'tanic aunque ay mach'a ya xcha'cuxaj tal ta yohlil te mach'atic chamenique, xchi.

San Lucas 24:25

Hich halbotic yu'un te Jesús: ¡Wocol ya xc'oht ta awo'tanic, soc wocol yac ach'uhunic spisil te bintic yalojic te jalwanejetique!

San Lucas 24:27

Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.

San Lucas 24:44

Patil hich la yalbe: Hich ay te bin la jcalbeyex te c'alal joquex to a, te ya sc'an te ts'acal ya xc'oht ta pasel te bin ya yalbon jc'oblal te ts'ihbabil ta Ley yu'un Moisés, ta shun jalwanejetic soc ta salmohetic, xchi.

San Juan 1:45

Te Felipe la sta te Natanael, hich la yalbe: La jtahcotiquix te mach'a ts'ihbabil sc'oblal yu'un te Moisés soc yu'un te jalwanejetic, ha te Jesús te snich'an José, te talem ta Nazaret, xchi.

San Juan 5:32

Ay yan mach'a ya yalbon jc'oblal, ya jna' te ha smelelil bin ya yalbon jc'oblal.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

San Juan 5:40

pero ma xac'an ya xtalex ta jtojol yu'un yac awich' acuxlejalic.

San Juan 5:46

Teme ach'uhunejic te Moisés, yac ach'uhunonic te hichuque, como ho'on jc'oblal te la sts'ihbay.

San Juan 7:52

La sjaq'uic: ¿Ha nix hich talemat bal ta Galilea? Chola awil, ya me awil te mayuc chicnajem jtuhluc jalwanej ta Galilea, xchihic. [

Hechos 13:27

como te mach'atic nahinemic ta Jerusalén soc te jcuentahinwanejetic yu'unic, ma ba la yich'ic ta cuenta mach'a a te Jesús soc te sc'op te jalwanejetic te ya yilic ta jujun sc'ahc'alel cux-o'tan, hich la yaq'uic ta milel.

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Hechos 26:27

Ajwalil Agripa, ¿ach'uhunej bal te jalwanejetic? Ya jna' te ach'uhunej, xchi.

Romanos 1:2

te ha yaloj ta nahil ta Sch'ul Hun ta scuenta te jalwanejetic yu'une:

Romanos 3:2

Bayel bin ya xloc' a. Primero, ha a'botic ta scuentahic te sc'op Diose.

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

Deuteronomio 29:29

Te bintic muquen ay, ha ay ta scuenta stuquel te Jehová te Dios cu'untic; yan te bintic ac'ot ta na'el, ha cu'untic soc cal-jnich'antic spisil ora, scuenta yu'un ya jpastic spisil te bintic ya yal te mandariletic ini.

Deuteronomio 32:47

Como ma ha'uc te bin mayuc sc'oblal awu'unic, ha me acuxlejalic; ha ta scuenta te mandariletic ini te bayel c'ahc'al ya xcuxajex tey ta q'uinal te ya sohlex bahel ta Jordán ta yu'untayel, xchi.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Hebreos 11:35

Ay antsetic la yiq'uic te mach'atic chamen yu'unic, ta scuenta te cha'cuxajtesbotic tal. Pero ay yantic te c'ax swocolic ta uts'inel, ma ba la sc'an scoltayelic, scuenta yu'un ya yich'ic te lequil cha'cuxajtesel.

Josué 1:8

Ma me ayuc bin ora ya xhil awu'un yalel bin ya yal ha'i hun ini yu'un te Ley, ya me ana'ulan ta c'ahc'al ahc'abal, scuenta yu'un yac apas spisil te bintic ts'ihbabil tey a; hich lec ya xc'ohat bayuc ya xbehenat soc lec ya xc'oht spisil bintic yac apas.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)