San Juan 5:38 - Bible in Tzeltal Bachajón

³⁸ soc mayuc ta awo'tanic te sc'ope, como ma xach'uhunic te mach'a ticombil tal yu'une.

Nuevo Testamento Tzeltal de Amatenango

³⁸ ni jaꞌuk te skꞌop te ay ta awoꞌtanik te jaꞌexe, porke ma xꞌachꞌuunik te jaꞌ tikonbilon tal yuꞌun te Tatile.

Bible in Tzeltal de Oxchuc y Tenejapa

³⁸ ni jp'aluc sc'op te ainem ta awo'tanique. Ja' swentail te ma ba ya ach'uunic te mach'a ticunbil tel yu'une.

San Juan 5:38 ပူးပေါင်းရင်းမြစ်များ

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Isaías 26:10

Aunque ya xna'bot yo'bolil sba te mach'a chopol, ma ba ya snop te bin stojil ta pasele; ha ya spas te bin chopol ta banti toj bin ya yich' pasel, soc ma ba ya yil te smuc'ul yutsilal te Jehová.

Isaías 49:7

Hich yaloj te Jehová, te J'ac'aw ta libre, te Ch'ul Dios yu'un Israel, hich ya yalbe te mach'a ihlaybil, te p'ajbil yu'un te nacionetic, te a'bat yu'un te tulan jcuentahinwanejetic: C'alal ya yilex ajwaliletic, ya me xhahchic, ya me squejan sbahic príncipaletic, ta scaj Jehová te stalel jun yo'tan, te Ch'ul Dios yu'un Israel te la stsahate, xchi.

San Juan 1:11

Tal sjoquin te mach'atic ay yu'un, pero ma ba ich'ot ta cuenta yu'unic.

San Juan 15:7

Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

San Juan 8:37

Jna'oj te ha sts'umbalex Abraham; pero yac awalbelonic jmilel, como mayuc ta awo'tanic te jc'ope.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Josué 1:8

Ma me ayuc bin ora ya xhil awu'un yalel bin ya yal ha'i hun ini yu'un te Ley, ya me ana'ulan ta c'ahc'al ahc'abal, scuenta yu'un yac apas spisil te bintic ts'ihbabil tey a; hich lec ya xc'ohat bayuc ya xbehenat soc lec ya xc'oht spisil bintic yac apas.

1 Juan 2:14

Ha'ex tatiletic, ya jts'ihbabeyex como ana'beyejiquix sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como ay awipic, soc ay ta awo'tanic te sc'op Dios, soc atsalojiquix te mach'a chopole.