San Juan 5:37 - Bible in Tzeltal Bachajón

³⁷ Soc te Tatil te la sticonon tal, ha nix la yalbon jc'oblal. Mayuc awa'iybeyejic sc'op soc mayuc awilojic bin yilel,

Nuevo Testamento Tzeltal de Amatenango

³⁷ Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

Bible in Tzeltal de Oxchuc y Tenejapa

³⁷ Soc te Jtat te la sticunon tele, ja' testigo cu'un, manchuc teme xujt' ma'yuc awaiyojbeyic te sc'ope, soc manchuc teme ma'yuc banti awilojic te bi yilele,

San Juan 5:37 ပူးပေါင်းရင်းမြစ်များ

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Isaías 26:10

Aunque ya xna'bot yo'bolil sba te mach'a chopol, ma ba ya snop te bin stojil ta pasele; ha ya spas te bin chopol ta banti toj bin ya yich' pasel, soc ma ba ya yil te smuc'ul yutsilal te Jehová.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

San Marcos 1:11

Soc tal c'op ta ch'ulchan, hich la yal: Ha'at Jnich'anat te bayel c'uxat ta co'tan; buen lec co'tan awu'un, xchi sc'oblal.

San Lucas 24:27

Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 14:9

Halbot yu'un te Jesús: Ayix ora joquimbelex, ¿ma to xana'bon jba, Felipe? Te mach'a yilojonix, ha nix yilojix te Tatile. ¿Bin yu'unix a hiche te hich yac awal: Ac'a quilcotic te Tatil, te xchihate?

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

San Juan 5:32

Ay yan mach'a ya yalbon jc'oblal, ya jna' te ha smelelil bin ya yalbon jc'oblal.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

San Juan 8:18

Ho'on yac calbel jc'oblal, soc ha nix yac yalbelon jc'oblal te Jtat te la sticonon tale, xchi.

Deuteronomio 4:12

Te Jehová la sc'oponex ta yohlil te c'ahq'ue; la awa'iybeyic sc'op, pero mayuc bin la awilic, ha nax la awa'iybeyic sc'op.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

1 Juan 4:12

Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?

1 Juan 5:9

Teme ya quich'tic ta cuenta te testigo-c'op yu'un te ants-winiquetique, c'ax to xan hich ay ta ich'el ta cuenta te testigo-c'op yu'un Dios, como ha te testigo yu'un Dios te yalbe sc'oblal te Snich'ane.