San Juan 5:23 - Bible in Tzeltal Bachajón

²³ scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

Nuevo Testamento Tzeltal de Amatenango

²³ Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

Bible in Tzeltal de Oxchuc y Tenejapa

²³ swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

San Juan 5:23 ပူးပေါင်းရင်းမြစ်များ

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Isaías 42:8

¡Ho'on Jehovahon, ha me te jbihile! mayuc mach'a ya ca'be te cutsilale, ni ma ba ya ca'be te loc'ombahetic te yutsil jc'oblal te ya yich' halele.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Isaías 45:15

Melel ha'at Diosat te yac anac' aba, Diosat yu'un Israel, te ya xcoltaywanat.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Mateo 11:27

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Mateo 12:21

Ha nix sbihil te ya smuc'ulin yo'tanic te jyanlumetic, te xchihe.

San Mateo 15:8

Te pueblo ini ta ye nax ya yich'onic ta muc', pero te yo'tanic namal ayic ta jtojol,

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Juan 14:1

La yal te Jesús: Ma me xamel awo'tanic; yac ach'uhunic te Diose, ch'uhunawonic ec.

San Juan 16:14

Ha me ya yac'on ta ich'el ta muc', como ya yich' te bin ay cu'un, ha ya ya'beyex ana'ic.

San Juan 17:10

Spisil te bintic ay cu'un, ha'at nix awu'un, soc spisil te bintic ay awu'un, ho'on nix cu'un; soc ac'ot ta ilel cutsilal ta scuentahic.

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

Romanos 15:12

Soc hich ya yal te Isaías: Ya me xcha'col te slohp' Isaí, ha te mach'a ya xhahch scuentahin te jyanlumetic; ha me ya smuc'ulin yo'tanic te nacionetique, xchi.

Romanos 6:22

Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

Romanos 8:9

Pero te ha'exe ma ba ayex ta scuenta ch'ich'-baq'uet, ayex ta scuenta Espíritu, teme melel ayinem ta awo'tanic te Espíritu yu'un Dios. Te mach'a ma ba yich'oj te Espíritu yu'un Cristo, ma yu'unuc Cristo stuquel.

1 Corintios 1:3

Ac'a c'ohtuc ta atojolic te yutsil yo'tan soc te lamal q'uinal yu'un te Jtatic Dios soc te Cajwaltic Jesucristo.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

1 Corintios 6:19

¿Yu'un bal ma ba ana'ojic te abaq'uetalic ha templo yu'un te Ch'ul Espíritu te ay ta awo'tanic, te a'botex yu'un Dios? Ma awu'unuc abahic,

2 Corintios 1:9

Hich la jca'iycotic te quechelotcotiquix ta lajel; pero hich c'oht ta pasel scuenta yu'un ma ba talel c'axel ya smuc'ulin sba co'tancotic, pero ha smuc'ul co'tancotic te Dios te ya scha'cuxajtes mach'atic chamenic.

2 Corintios 13:14

Ac'a sjoquinex ta apisilic te yutsil yo'tan te Cajwaltic Jesucristo, te sc'uxul yo'tan Dios, soc junuc awo'tanic soc te Ch'ul Espíritu. Hichuc.

2 Corintios 5:14

Como te sc'uxul yo'tan te Cristo ya sujotic, como hich jna'ojtic: te jtuhl cham yu'un spisilic, hich cham ta spisilic.

2 Corintios 5:19

Como te Dios, ta scuenta Cristo, la yac' te junuc yo'tan sbahic ya xc'oht soc Dios te ants-winiquetic, ma ba ich'bot ta cuenta te smulique, soc la ya'botic ca'teltic ta yalel bin ut'il jun yo'tan sbahic ya xc'ohtic soc Dios.

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

Hebreos 1:6

Soc te c'alal Dios la sticon tal ta bahlumilal te Ba-nich'anil, hich la yal: Spisil te ch'ul a'batetic yu'un Dios ac'a sch'uhuntayic, xchi.

2 Pedro 1:1

Simón Pedro, a'bat soc jpuc-c'op yu'un te Jesucristo, ta stojol te mach'atic ta scuenta stojil yo'tan te Jesucristo te Dios soc Jcoltaywanej cu'untic, stahojic sch'uhunel yo'tanic te pajal st'ujbilal soc te cu'uncotique:

2 Pedro 3:18

Behbehuc me muc'ubel te yutsil-o'tanil soc ta sna'beyel xan sba te Cajwaltic Jesucristo, te Jcoltaywanej cu'untique. Ac'a yich' halbeyel yutsil sc'oblal ta ora ini soc ta sbahtel q'uinal. Hichuc.

1 Juan 2:23

Spisil te mach'a ya smuc ta yo'tan te Nich'anil, ma ba ay ta yo'tan te Tatile. Te mach'a ya yal ta jamal te ha Nich'anil, ha nix ay ta yo'tan te Tatile.

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.