San Juan 5:21 - Bible in Tzeltal Bachajón

²¹ Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

Nuevo Testamento Tzeltal de Amatenango

²¹ Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

Bible in Tzeltal de Oxchuc y Tenejapa

²¹ Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

San Juan 5:21 ပူးပေါင်းရင်းမြစ်များ

1 Reyes 17:21

La spahcan sba oxeb buelta ta sba te alal soc la yawtay te Jehová: Jehová, Dios cu'un, ya calbat wocol, ac'a cha'cuxajuc te alale, xchi.

2 Reyes 5:7

Te c'alal la yil te carta te ajwalil yu'un Israel, la sch'i' sc'u' yu'un soc hich la yal: ¿Yu'un bal Dioson te ya cac' cuxajuc soc te ya cac' te ya xlaj, te bin ut'il la sticombon tal te jtuhl winic ini yu'un ya jch'aybe sc'a'el-chamel? Tsahtaya awa'iyic ta lec, ilawilic bin ut'il ya sle bin ya yut ya scontrahinon, xchi.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 6:63

Ha te Espíritu te ya yac' cuxlejal, mayuc sc'oblal stuquel te baq'uet. Te jc'op te la jcalbeyex, ha scuenta espíritu soc scuenta cuxlejal.

Hechos 26:8

¿Bin yu'un te wocol yac ach'uhunic te Dios ya xcha'cuxajtes te mach'atic chamenique?

Romanos 8:11

Teme ha ayinem ta awo'tanic te Espíritu yu'un te Mach'a la scha'cuxajtes tal ta lajel te Cristo Jesús ta yohlil mach'atic chamenic, ha nix hich ya me scha'cuxajtesbeyex abaq'uetalic ta scuenta te Espíritu yu'un te ayinem ta awo'tanique.

1 Corintios 15:45

Hich ts'ihbabil: Te sba winic Adán, a'bot scuxlejal, xchi; te slajibal Adán, ha espíritu te ya yac' cuxlejal.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.