San Juan 5:19 - Bible in Tzeltal Bachajón

¹⁹ La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

Nuevo Testamento Tzeltal de Amatenango

¹⁹ Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

Bible in Tzeltal de Oxchuc y Tenejapa

¹⁹ Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 5:19 ပူးပေါင်းရင်းမြစ်များ

Génesis 1:1

Ta shahchibal Dios la spas te ch'ulchan soc bahlumilal.

Génesis 1:26

La yal te Diose: Ya jpastic ants-winic te ya jlop'tay jbahtic a, te hich yilel te bin ut'il ho'otique. Ha ya scuentahin spisil schayul ha'etic, te mutetic te ya xwihlic ta toyol soc te chambahlametic, spisil te lumq'uinal soc spisil bintic ya stas sbahic ta lumq'uinal, xchi.

Salmos 138:3

Te c'alal la jcawtayat, la ajac'bon jc'op; la awa'bon xan yip co'tan.

Salmos 27:14

¡Mahliya te Jehová! ¡Ac'a fuerza, ayuc me yip awo'tan! ¡Hich, mahliya te Jehová!

Salmos 50:6

¡Te ch'ulchan ya me yal ta jamal te toj bin ya spas, como ha jchahpanwanej te Diose! Selah

Éxodo 4:11

Hich la sjac' te Jehová: ¿Mach'a la spasbe ye te ants-winic? ¿Mach'a ya spas te uma' soc te cohc, te mach'a ya yil q'uinal soc te ts'o'sit? ¿Ma bal ho'ucon te Jehovahon?

Proverbios 2:6

Como Jehová ya yac' te p'ijil-o'tanil, soc ya xloc' tal ta ye te p'ijil-o'tanil soc te bin ay ta na'el.

Isaías 44:24

Hich ya yal te Jehová, te J'ac'aw ta libre awu'un, te la schahpanat ta yawil alal: Ho'on Jehovahon, te jpasoj spisil bintic ay, jtuquel la jlim bahel te ch'ulchan, jtuquel la jlim bahel te lumq'uinal;

Isaías 45:24

Hich me ya yalbonic jc'oblal: Ha nax ta scuenta Jehová te ay ta pasel te bin toj soc te ay yip, xchihic. Spisil mach'atic c'ahc'ubic ta scontrahinel ya me xtalic ta stojol soc ya me xq'uexawic.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

San Lucas 21:15

como ho'on ya ca'beyex sp'ijil awo'tanic ta c'op, te ma xhu' yu'un ya scomex soc te ya scontrac'optayex spisil te acontrataque.

San Juan 10:18

Mayuc mach'a ya smilon, ho'on nix ya cac' jcuxlejal ta sc'anojel co'tan. Ay ta jcuenta ya cac' te jcuxlejal soc ay ta jcuenta te ya jcha'ich' xan te jcuxlejal. Hich pasbilon ta mandar yu'un te Jtate, xchi.

San Juan 12:49

Ma jtuquel-o'tanuc c'opojon ta jcuenta; te Jtat te la sticonon tal, ha la spason ta mandar te bin ya sc'an ya cal soc te ya jpuc ta halel.

San Juan 12:50

Jna'oj te ha ya yac' cuxlejal sbahtel q'uinal te mandaril yu'un. Ha yu'un te bin ya cal, hich nix ya cal te bin ut'il yalbeyejon te Tatile, xchi te Jesús.

San Juan 14:10

¿Yu'un bal ma ba ach'uhunej te jun ayon soc te Tatil, soc te ha joc te Tatil? Te jc'op yac calbelex, ma jtuquel-o'tanuc nax yac calbel, pero te Tatil, te jun ayon soc, ha yac spasbel te a'tele.

San Juan 2:19

La sjac' te Jesús: Jinahic ha'i templo ini, ta oxeb c'ahc'al ya jcha'pas xan, xchi.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Juan 5:21

Como hich te bin ut'il te Tatil ya scuxajtes te mach'atic chamenic soc ya yac'ticlambe scuxlejalic, ha nix hich te Nich'anil ya ya'be scuxlejal te mach'a ya sc'an ya ya'be.

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

San Juan 9:4

Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

Hechos 2:24

Pero cha'cuxajtesot yu'un te Diose, la scoltay loq'uel ta sc'uxul lajel, como ma ba hu' ta chuquel yu'un.

Romanos 6:4

Como ta scuenta ich'-ha' pajal quich'ojtic muquel soc, scuenta yu'un te bin ut'il cha'cuxaj tal ta yohlil mach'atic chamenic te Cristo ta scuenta yutsilal te Jtatic Dios, ha nix hichotic ya xcuxajotic ta yach'il cuxlejal.

Romanos 8:11

Teme ha ayinem ta awo'tanic te Espíritu yu'un te Mach'a la scha'cuxajtes tal ta lajel te Cristo Jesús ta yohlil mach'atic chamenic, ha nix hich ya me scha'cuxajtesbeyex abaq'uetalic ta scuenta te Espíritu yu'un te ayinem ta awo'tanique.

1 Corintios 15:12

Pero teme ya yich' halel te cha'cuxaj tal Cristo ta yohlil mach'atic chamenic, ¿bin yu'un te ay mach'atic ta awohlilic te ya yalic te ma ba ya xcha'cuxajic tal te mach'atic chamenique?

2 Corintios 4:14

Jna'ojcotic te mach'a la scha'cuxajtes tal te Cajwaltic Jesús, ha nix hich ya me scha'cuxajtesotcotic tal soc Jesús, soc pajalotic ya me stehc'anotic ta stojol.

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

Efesios 2:5

pajal la ya'botic cuxlejal soc Cristo te c'alal ayotic to ta mulil a (ha ta scuenta yutsil-o'tanil te colemex).

Efesios 3:16

ya jc'ambe te yacuc ya'beyex, hich te bin ut'il te sc'uhlejal te yutsilal, yu'un yacuc yich' yip awo'tanic ta scuenta te Espíritu yu'un;

Filipenses 3:21

Ha ya sc'atp'umbotic te jbaq'uetaltic te mayuc yutsil, ha pajal ya xc'oht soc te sbaq'uetal te bayel yutsil stuquel, hich ya spas ta scuenta te yu'el te ya xhu' yu'un ya scuentahin spisil te bintic ay.

Filipenses 4:13

Spisil ya xhu' cu'un ta scuenta Cristo te ya ya'bon yip co'tan.

Colosenses 1:11

Behbehuc ac'a yich' yip awo'tanic ta scuenta spisil yu'el, ha chican bin ut'il ay te yu'el te ay yutsilal, scuenta yu'un ay yip awo'tanic te ya xcuhch awu'unic spisil,

Colosenses 1:16

Como ha ta scuenta te la yich' pasel spisil bintic ay ta ch'ulchan soc spisil bintic ay ta bahlumilal, te bin chicanic ta ilel soc te bin ma chicanuc ta ilel, teme muc'ul huctajibaletic, jcuentahinwanejetic, principaletic o te mach'atic ay ya'telic; spisil la yich'ic pasel ta scuenta Cristo soc ha nix yu'un.

1 Tesalonicenses 4:14

Como teme jch'uhunejtic te cham te Jesús soc te cha'cuxaj, ha nix hich te Dios ya me yic' tal soc Jesús te mach'atic sch'uhunejic Jesús te wayem sbaq'uetalique.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.