San Juan 4:6 - Bible in Tzeltal Bachajón

⁶ Tey ay a te pozo yu'un Jacob. La shuhcan sba ta ti'poso te Jesús yu'un luhbenix ta behel. Ohlil c'ahc'al a.

Nuevo Testamento Tzeltal de Amatenango

⁶ Teꞌey a te posoe te spasoj Jacob. Te Jesuse ben lubenix yuꞌun beel a, y kꞌo snajkan sba te ba posoe. Nopolix ol kꞌaal a.

Bible in Tzeltal de Oxchuc y Tenejapa

⁶ Ta sq'uinal Jacob tey ay a te pozo spasoje. Te bit'il luben ta beel te Jesuse, jich la snajc'an sba tey a ta bay te pozoe. Nopol staix olil c'aal a.

San Juan 4:6 ပူးပေါင်းရင်းမြစ်များ

San Mateo 27:45

Ohlil c'ahc'al a, ihc'ub q'uinal ta spisil te q'uinal, ha to c'alal ta oxeb ora suhtel c'ahc'al.

San Mateo 4:2

Ta patil te la scom swe'el cha'winic (40) c'ahc'al soc cha'winic ahc'abal, wi'naj.

San Mateo 8:24

Hahch ta ixtalanel ta tulan ic' te mar, ya c'an muluc te barco yu'un tulan stselajan te mar; pero wayal a te Jesús.

San Lucas 2:7

Hich ayin te sba-al, la smey ta mehyil pac', la smehtsan ta scanoa wacax, como mayuc lugar yu'unic ta na banti ya xwayic.

San Lucas 9:58

Halbot yu'un te Jesús: Te waxetic ay sch'enic, te ha'mal mutetic ay spechechic, pero te Nich'anil ay ta scuenta winic mayuc banti ya smehtsan sjol stuquel, xchi.

San Juan 11:9

La sjac' te Jesús: ¿Ma bal lahchayebuc ora yich'oj te jun c'ahc'al? Te mach'a ya xbehen ta c'ahc'alel ma ba ya sc'ohchin yoc, como ya yil q'uinal ta scuenta te sacal q'uinal yu'un te bahlumilale.

San Juan 4:12

¿Ha'at bal muc' xan ac'oblal a te bin ut'il te jtatic Jacob, te la ya'botcotic hilel te pozo ini te banti la yuch' ha' soc snich'nab soc schansbahlam? xchi te antse.

San Juan 4:5

Hich c'oht ta jun pueblo, Sicar sbihil, nopol ta sq'uinal Jacob te la ya'be hilel te snich'an, ha te José.

San Juan 4:7

Tal jtuhl Samaritana-ants ta sloq'uesel ha'; hich halbot yu'un te Jesús: A'bon cuch' ha', xchi.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.