San Juan 4:5 - Bible in Tzeltal Bachajón

⁵ Hich c'oht ta jun pueblo, Sicar sbihil, nopol ta sq'uinal Jacob te la ya'be hilel te snich'an, ha te José.

Nuevo Testamento Tzeltal de Amatenango

⁵ Jicha kꞌot ta jun jtejklum Sicar sbiil te ay ta estado Samariae, te serka ay sok slum Jacob te yakꞌojbe jilel te Josee te xnichꞌane.

Bible in Tzeltal de Oxchuc y Tenejapa

⁵ C'ot ta ba ay jpam lum ta sq'uinal Samaria te Sicar sbiile, te nopol yiloj sba soc te jsejp sq'uinal Jacob te la yac'bey sq'uinalin te snich'an Joseje.

San Juan 4:5 ပူးပေါင်းရင်းမြစ်များ

Génesis 33:19

La sman jsehp q'uinal te banti la stehc'an te snahilpac', ha chombot yu'un te snich'nab Hamor te stat Siquem, ho'winic (100) ta sehp plata la stoj.

Génesis 48:22

C'ax hich ay bin la jca'bat a te bin ut'il te abanquiltac, ha te bin la jpojbe te amorreohetic ta espada soc ta t'ihmalte' cu'un, xchi sc'oblal.

1 Reyes 13:32

Como ya me xc'oht ta pasel te bin la yal ta scuenta smandar te Jehová ta scontrahinel te scajtajib ta chiq'uel pom ta Bet-el soc ta scontrahinel spisil te nahetic ta toyol awilaletic te ayic ta pueblohetic ta Samaria, xchi.

San Lucas 9:52

La snahiltes bahel a'batetic yu'un, hich bahtic soc ochic ta tut pueblo yu'un te samaritanohetic yu'un ya schahpambeyic te bintic ya xtuhun yu'un te Jesús.

San Juan 4:12

¿Ha'at bal muc' xan ac'oblal a te bin ut'il te jtatic Jacob, te la ya'botcotic hilel te pozo ini te banti la yuch' ha' soc snich'nab soc schansbahlam? xchi te antse.

San Juan 4:39

Tsobol te samaritanohetic ta pueblo tey a la sch'uhunic Jesús ta scuenta sc'op te ants te hich la yal: La yalbon spisil te bin jpasoj, te xchihe.

San Juan 4:6

Tey ay a te pozo yu'un Jacob. La shuhcan sba ta ti'poso te Jesús yu'un luhbenix ta behel. Ohlil c'ahc'al a.

San Juan 4:8

(Te jnopojeletic yu'un bahemic ta pueblo ta smanel swe'elic.)

Josué 24:32

Te sbaquel José te la yich'beyic tal ta Egipto te snich'nab Israel, la smuquic ta Siquem ta q'uinal te Jacob la smambe te snich'nab Hamor te stat Siquem ta ho'winic (100) ta sehp plata, te ha yu'un c'oht te snich'nab José.