San Juan 4:47 - Bible in Tzeltal Bachajón

⁴⁷ C'alal la ya'iy te hahch tal ta Judea soc te hulemix ta Galilea te Jesús, baht yalbe wocol te yacuc xco bahel soc yacuc slahmajtes ta schamel te snich'an chamelixe.

Nuevo Testamento Tzeltal de Amatenango

⁴⁷ Te kꞌalal ya yaꞌi te mamal te kꞌotix ta estado yuꞌun Galilea a te Jesuse te lijk bael ta estado yuꞌun Judea, ba yil y la skꞌanbe pawor te yauk xbajt ta sna yuꞌun xba slekutesbe te xnichꞌane, yuꞌun ya xchamix.

Bible in Tzeltal de Oxchuc y Tenejapa

⁴⁷ Te winique la yaiy stojol te ayix ta sq'uinal Galilea te Jesús te bit'il la yijq'uitay jilel te sq'uinal Judeae. Jich ba sc'opon. La yalbey wocol te yacuc couc bael ta sna yu'un ya slamantesbey xchamel te snich'an yu'un lajelix.

San Juan 4:47 ပူးပေါင်းရင်းမြစ်များ

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

San Mateo 2:1

C'alal ayin Jesús ta Belén te ay ta sq'uinal Judea, ta yorahil te ay ta ajwalil a te Herodes, talic ta Jerusalén p'ijil winiquetic te talemic ta stojol banti ya xloc' tal c'ahc'al,

San Marcos 10:47

C'alal la ya'iy te ha te Jesús talem ta Nazaret, hahch ta aw: ¡Jesús, Snich'anat David, c'uxultayawon! xchi.

San Lucas 8:41

Tal jtuhl winic, Jairo sbihil, principal yu'un te sinagoga, la squejan sba ta ye'tal yoc te Jesús, la yalbe wocol te yacuc xbaht ta sna,

San Juan 11:21

Te Marta hich c'oht yalbe te Jesús: Cajwal, te li'uc ayate, ma ba cham te jbanquil te hichuque.

San Juan 11:32

C'alal c'oht ta banti ay Jesús te María, c'alal la yil, la squejan sba ta ye'tal yoc, hich la yalbe: Cajwal, te li'uc ayate, ma ba cham te jbanquil te hichuque, xchi.

San Juan 4:3

ha yu'un loc' bahel ta Judea, baht yan buelta ta Galilea.

San Juan 4:54

Ha schebal señahil te la spas Jesús te c'alal hahch tal ta Judea, te hul ta Galilea.

Hechos 9:38

Te bin ut'il nopol yiloj sba soc Jope te Lida, la ya'iyic te jnopojeletic te tey ay a te Pedro, ha yu'un la sticonic bahel cheb winiquetic ta yalbeyel wocol: Ora me xtalat, xchihic c'ohel.