San Juan 4:46 - Bible in Tzeltal Bachajón

⁴⁶ Te Jesús cha'baht xan ta Caná ta sq'uinal Galilea, ta banti la sc'ahtajtes ta vino te ha'e. Ta Capernaum ay jtuhl swinic ajwalil te ay ta chamel te snich'ane.

Nuevo Testamento Tzeltal de Amatenango

⁴⁶ Te Jesuse chaꞌsujt xan bael ta jtejklum Cana te ay ta estado yuꞌun Galileae te ba la skꞌajtates ta bino te jaꞌe. Ay jtul mamal teꞌey a te ay aꞌbil tulan yaꞌtel yuꞌun te reye. Ay ta chamel jtul xnichꞌan te ay ta jtejklum Capernaum.

Bible in Tzeltal de Oxchuc y Tenejapa

⁴⁶ Jich cha'tal xan Jesús ta lum Caná te ay ta sq'uinal Galilea ta bay la sc'atp'un ta vino te ja'e. Ay jtul winic julem tey a te yich'oj yat'el yu'un te ajwalile te ay ta chamel snich'an ta bay lum Capernaúm.

San Juan 4:46 ပူးပေါင်းရင်းမြစ်များ

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 78:34

Te c'alal ac'otic ta lajel yu'un Dios, hich hahch slehic, suhtic ta stojol, spisil yo'tanic la scha'lehic xan.

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

San Mateo 15:22

Ay jtuhl Cananea-ants te tey hahchem talel a, tal yawtay te Jesús: ¡Cajwal, Snich'anat David, c'uxultayawon! Bayel yac ta uts'inel yu'un pucuj te cantsil-al, xchi.

San Mateo 4:13

La yihquitay hilel te Nazaret, baht ta nahinel ta Capernaum ay ta ti'mar yu'un Galilea, te ay ta sq'uinal Zabulón soc Neftalí,

San Mateo 9:18

Hich yac ta yalel a te Jesús, tal jtuhl principal winic, hul squejan sba ta stojol, hich la yal: Chamel to te cantsil-nich'an; conic, cajambon ac'ab ta sba, hich me ya xcuxaj a, xchi.

San Lucas 4:23

Hich halbotic yu'un te Jesús: Ay yac awalbonic te hich ay ta halel: Jpoxtaywanej, poxtaya aba. Te bintic la apas ta Capernaum ya ca'iycotic, hich ni me xapas li' ta alumali, xchi.

San Lucas 7:2

Ay jtuhl capitán-soldado tey a, juch'ul ta chamel jtuhl ya'bat te bayel c'ux ta yo'tan.

San Lucas 8:42

yu'un chamelix te hip jtuhl yantsil-nich'an, te ay wan lahchayeb (12) ya'bilal. C'alal yac ta bahel a, lats'bil bahel yu'un bayel ants-winiquetic te Jesús.

San Juan 2:12

Patil co bahel ta Capernaum te Jesús, te snan, te yihts'inab, soc te jnopojeletic yu'une. Ma ba bayel c'ahc'al halajic tey a.

San Juan 21:2

Tey sjoc sbahic a te Simón Pedro, Tomás te Dídimo yan sbihil, Natanael te talem ta Caná ay ta Galilea, te snich'nab Zebedeo, soc cheb xan jnopojeletic yu'un.

Josué 19:28

Ha yu'un ya smac te Hebrón, Rehob, Hamón soc Caná, ha to c'alal ta muc'ul Sidón.