San Juan 4:45 - Bible in Tzeltal Bachajón

⁴⁵ C'alal c'oht ta Galilea, ic'ot yu'un te galileohetic, como yilojic spisil te bintic la spasticlan ta Jerusalén ta yorahil q'uin, como ha'ic nix c'ohtic ta il-q'uin tey a.

Nuevo Testamento Tzeltal de Amatenango

⁴⁵ Te kꞌalal kꞌot te ba Galileae, te genteetik yuꞌun te estadoe ben sniꞌ xyaꞌiyik te kꞌote. Yuꞌun xkꞌotikuk ta kꞌin Pascua euk te ba Jerusalene, y teꞌ yilik a spisil te tuti spas te ba kꞌin te Jesuse.

Bible in Tzeltal de Oxchuc y Tenejapa

⁴⁵ Te c'alal c'ot ta sq'uinal Galilea, bin nax yo'tanic te galileaetic, yu'un xc'otuquic ta spasel uuc te q'uin Pascua ta Jerusalén. Tey la yilic a te bila la spas ta yorail q'uin te Jesuse.

San Juan 4:45 ပူးပေါင်းရင်းမြစ်များ

San Lucas 13:1

Ha yorahil a te ay mach'atic tey ayic a te la yalbeyic Jesús sc'oblal te galileohetic te capbot yu'un Pilato te sch'ich'elic soc sch'ich'el te milbil smahtan Dios yu'unique.

San Lucas 8:40

C'alal suht xan tal te Jesús, bayel yutsil yo'tan te ants-winiquetic yu'un, como spisilic yac smahliybelic.

San Lucas 9:53

Pero te samaritanohetic ma ba la yiq'uic, como la yilic te ay yip yo'tan te ya xbaht ta Jerusalén.

San Juan 2:23

C'alal ay ta Jerusalén a te Jesús, ta yorahil Q'uin Pascua, tsobol mach'atic la sch'uhunic c'alal la yilbeyic te señahiletic te la spase.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 4:54

Ha schebal señahil te la spas Jesús te c'alal hahch tal ta Judea, te hul ta Galilea.

Deuteronomio 16:16

Oxeb buelta ta jujun ha'bil spisil winiquetic ya me xtal ta stojol Jehová te Dios awu'un tey ta lugar tsahbil yu'un: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxna. Ma me ayuc jtuhluc te jochol sc'ab ya xtal stehc'an sba ta stojol te Jehová;