San Juan 4:36 - Bible in Tzeltal Bachajón

³⁶ Te mach'a ya stsob, ya yich' tojel soc ya stsobe sit scuenta cuxlejal sbahtel q'uinal, scuenta yu'un hich pajal tse'el yo'tan te mach'a la ya'iy awal soc te mach'a la stsobe sit.

Nuevo Testamento Tzeltal de Amatenango

³⁶ Te machꞌa ya xꞌaꞌtej ta kꞌajoje ya yichꞌ stojol yuꞌun, y te sit te tut ya skꞌajike ya xkuxuyin sbajtel kꞌinal. Jich te machꞌa awaleje sok te machꞌa kꞌajojine, pajal me ben jun yoꞌtanik yuꞌun.

Bible in Tzeltal de Oxchuc y Tenejapa

³⁶ Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

San Juan 4:36 ပူးပေါင်းရင်းမြစ်များ

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

San Juan 3:36

Te mach'a ya sch'uhun te Nich'anil ay scuxlejal sbahtel q'uinal; yan te mach'a ma sc'an ya sch'uhun te Nich'anil, ma ba ya yil te cuxlejal stuquel, ha ayix ta stojol te yilimba Dios, xchi te Juan.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

Romanos 1:13

Quermanotac, ya ca'beyex ana'ic te bayel buelta c'an tal quilex scuenta yu'un ya jtsobe sit ta awohlilic, hich te bin ut'il ta stojol te yantic jyanlumetic, pero ay bin smacojon c'alal ora.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

Romanos 6:22

Pero yo'tic, te bin ut'il libre c'ohemex yu'un te mulil soc te a'bat c'ohemex yu'un Dios, atahojic ch'ultesel te ya yac' cuxlejal sbahtel q'uinal.

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

1 Corintios 9:17

Teme soc sc'anojel co'tan ya jpas, ay bin ya x'a'boton yu'un; yan teme ma ha'uc soc sc'anojel co'tan ya jpas, ha nax yacon ta spasel te bin ticombilon ta spasele.

1 Corintios 9:18

¿Bin a te ya x'a'boton yu'un te ca'tele? Ha te ta mahtanil yacon ta spuquel te lec yach'il c'op yu'un Cristo, scuenta yu'un ma ba ya xjelawon ta stojol te bin pasbeyel ya sc'an te mach'a ya yal te lec yach'il c'ope.

1 Tesalonicenses 2:19

Como ¿bin a te smuc'ul co'tancotic, te stse'elil co'tancotic soc te corona te ya jtoy q'uinal ca'iycotic yu'un ta stojol te Cajwaltic Jesucristo te c'alal ya xtale? ¿Ma bal ha'uquex?

1 Timoteo 4:16

Tsahtaya aba soc tsahtaya te bin yac awac' ta nopele; o'tantaya, como teme hich yac apase, hich ya xcolat a soc te mach'atic ya ya'iybat te ac'ope.