San Juan 4:20 - Bible in Tzeltal Bachajón

²⁰ Te me'iltatiletic cu'uncotic li' la yich'ic ta muc' Dios ta wits ini, pero ha'ex yac awalic ta Jerusalén ya sc'an ya x'ich'ot ta muc' te Diose, xchi.

Nuevo Testamento Tzeltal de Amatenango

²⁰ Te antibo jmeꞌ-jtatike sok te samariaetike la skejan sbaik ta stojol Dios liꞌ ba wits to. Pero te jaꞌex juriyoexe ya awalik te ta Jerusalen te ya skꞌan ya xba jkejan jbajtike —xchi.

Bible in Tzeltal de Oxchuc y Tenejapa

²⁰ Te me'il-tatil tel cu'un soc te samariaetique la slajin sbaic li'to ta bay in wits to. Te ja'ex te judioexe ya awalic te tey ya sc'an ya alajin abaic ta Jerusalén —xi'.

San Juan 4:20 ပူးပေါင်းရင်းမြစ်များ

1 Reyes 9:3

Hich halbot yu'un te Jehová: La jca'iybatix ac'op soc te bin la awalbon wocol ta jtojol. La jch'ultesix te Na te ha'at la apas scuenta yu'un tey ya x'ayin spisil ora a te jbihile. Tey ya cac' jsit soc co'tan ta spisil ora a.

1 Crónicas 21:26

Tey la spas a te scajtajib smahtan Jehová te David te banti la ya'be scohtol chic'bil mahtaniletic soc mahtaniletic scuenta lamal q'uinal. La sc'opon te Jehová, a'iybot sc'op yu'un soc la sticon tal c'ahc' c'alal ta ch'ulchan te c'oht ta sba te scajtajib scohtol chic'bil mahtanil.

1 Crónicas 22:1

Hich la yal te David: Li' ya x'ayin te sna Jehová Dios soc te scajtajib scohtol chic'bil mahtaniletic yu'un Israel, xchi.

2 Crónicas 6:6

ha jtsahoj te Jerusalén scuenta yu'un tey ya x'ayin a te jbihil, soc jtsahoj te David yu'un ya scuentahin te pueblo Israel cu'un, xchi te Jehová.

2 Crónicas 7:12

Ta ahc'abal chicnaj Jehová ta stojol Salomón, hich la yal: La jca'iybat te ac'ope, soc tsahbil cu'un te lugar ini scuenta Na yu'un milbil mahtaniletic.

2 Crónicas 7:16

como tsahbilix soc ch'ultesbilix te Na ini scuenta yu'un tey ya x'ayin sbahtel q'uinal a te jbihile; soc te jsit soc te co'tan tey ayic ta spisil ora a.

Salmos 132:13

Como te Jehová ha stsahoj te Sión; ha la sc'an scuenta tey ya xnahin a.

Salmos 78:68

ha la stsa te jchahp sts'umbal Judá, te Sión, te c'ux ta yo'tan.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

San Lucas 9:53

Pero te samaritanohetic ma ba la yiq'uic, como la yilic te ay yip yo'tan te ya xbaht ta Jerusalén.

San Juan 4:12

¿Ha'at bal muc' xan ac'oblal a te bin ut'il te jtatic Jacob, te la ya'botcotic hilel te pozo ini te banti la yuch' ha' soc snich'nab soc schansbahlam? xchi te antse.

Deuteronomio 11:29

Te c'alal la yaq'uex ochel a te Jehová te Dios awu'unic tey ta q'uinal te yac awich'ic, ya me awal te bendición ta wits Gerizim, soc te chopol c'oblalil ta wits Ebal,

Deuteronomio 27:12

Te c'alal sohlematix ta muc'ul-ha' Jordán a, ha'ic ini te ya stehc'an sbahic ta wits Gerizim scuenta c'ambeyel bendición ta stojol te pueblo: ha te Simeón, Leví, Judá, Isacar, José soc Benjamín.