San Juan 3:34 - Bible in Tzeltal Bachajón

³⁴ como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Nuevo Testamento Tzeltal de Amatenango

³⁴ Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

Bible in Tzeltal de Oxchuc y Tenejapa

³⁴ Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

San Juan 3:34 ပူးပေါင်းရင်းမြစ်များ

2 Reyes 2:9

Te c'alal sohliquix bahel a, te Elías la yalbe te Eliseo: C'ambon te bin yac ac'an te ya jpasbat ta acuenta, te ma to ba quihquitayejate, xchi. La yal te Eliseo: Awocoluc, ihquitaybon hilel cheb buelta a te espíritu awu'une, xchi.

Salmos 45:7

C'ux ta awo'tan te bin stojil ta pasel, soc yac awihlay te bin chopole; ha yu'un la stsahat Dios, ha te Dios awu'un, la smalat ta aceite yu'un yutsil q'uinal, c'ax hich tohy ac'oblal a te bin ut'il amohloltac.

Isaías 59:21

Ha ini te chapbil-c'op cu'un ta stojolic, xchi te Jehová: Te espíritu cu'un te ay ta atojol, soc te c'opetic cu'un te la jca'bat ta awe, ma ba ya xch'ay ta awe soc ta ye te anich'nab o te amamatac, yo'tic soc ta spisil ora, xchi te Jehová.

Levítico 7:35

Hich ay te bin ya yich' Aarón soc te snich'nab yu'un te mahtaniletic te ya yich'ic chiq'uel ta stojol Jehová, c'alal ta bin c'ahc'alil te parte ac'otic ta sacerdotehil yu'un Jehová.

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

San Mateo 12:18

Ha ca'bat ini te tsahbil cu'un; te c'ux ta co'tan, te bayel yutsil co'tan yu'un. Ya ca'be ta stojol te Espíritu cu'un, ha ya spuc ta halel ta stojol jyanlumetic te bin toj ta pasele.

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

San Juan 1:16

Jpisiltic quich'beyejtic te bintic bayel ay yu'un, ha quich'ojtic cajalcaj yutsil-o'tanil;

San Juan 15:26

Pero te c'alal ya xtal te Joquinwanej, ha te ya jticombeyex tal ta stojol te Tatil, ha te Espíritu yu'un te bin smelelil te ya xloc' tal ta stojol te Tatile, ha me ya yalbon jc'oblal.

San Juan 16:7

Pero ya calbeyex te bin smelelil: Scuenta awutsil alequilic te ya xbohon, yu'un teme ma ba ya xbohon, ma ba ya xtal ta atojolic te Joquinwanej; yan teme ya xbohon, ya jticombeyex tal.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 7:16

Hich halbotic yu'un te Jesús: Te nohptesel ma cu'unuc, ha yu'un te mach'a sticonejon tal.

San Juan 8:40

Pero yo'tic yac awalbelonic jmilel, ha te mach'a la yalbeyex te smelelil c'op te yalbeyejon ca'iy te Diose. Ma hichuc la spas te Abraham.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

Hechos 1:2

ha to c'alal ic'ot mohel, ta patil te la spasticlan ta mandar ta scuenta Ch'ul Espíritu te jpuc-c'opetic te tsahbil yu'une.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Colosenses 1:19

como hich la sc'an te Tatil te ha ya yich'be spisil te stalel,

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,