San Juan 3:29 - Bible in Tzeltal Bachajón

²⁹ Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Nuevo Testamento Tzeltal de Amatenango

²⁹ Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Bible in Tzeltal de Oxchuc y Tenejapa

²⁹ Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

San Juan 3:29 ပူးပေါင်းရင်းမြစ်များ

Cantares 3:11

¡Loc'anic talel, ach'ixetic yu'un Sión! ilawilic te ajwalil Salomón soc te corona ta sjol te a'bot yu'un te snan te c'alal nuhpun, te bin ora tse'el yo'tan a.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Isaías 54:5

Como ha amamalal te Jpaswanej awu'un, ha Jehová te scuentahinej spisil te sbihile; te J'ac'aw ta libre awu'un, ha te Ch'ul Dios yu'un Israel, te Dios yu'un spisil te q'uinal, xchi te sbihile.

Isaías 66:11

yu'un ya xchu'unex soc ya xnoj ach'uhtic yu'un te ch'u'ul te ya yac' muc'ul-o'tanil; yac awuch'ic soc yac amulambeyic te yutsilal te c'ax bayele.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Ezequiel 16:8

Cha'c'axon xan ta banti ayat, la jquilat, yorahilix te ya xc'anotat. La jlim bahel ta atojol te sti'il te jmuc'ul-c'u', la jmucbat aq'uexlal. La jcal jba ta jamal ta atojol soc la jchap jc'op soc ha'at, hich la jcu'untayat, xchi te Jehová, te Ajwalil.

Oseas 2:19

Ya quihnaminat sbahtel q'uinal, ya quic'at ta scuenta bin stojil ta pasel, stojil chahpanel, cux-o'tanil soc sna'beyel yo'bolil aba.

San Mateo 22:2

Te cuentahinel yu'un te ch'ulchan hich c'ohem te bin ut'il jtuhl ajwalil te la spas q'uin yu'un ya xnuhpun te snich'ane.

San Mateo 25:1

Ta hich ora te cuentahinel yu'un te ch'ulchan ha pajal soc lajuntuhl ach'ixetic te la yich'ic bahel yawil sc'ahq'uic, baht stahic tal te mach'a ya xnuhpun.

San Mateo 9:15

Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

San Lucas 15:6

soc te c'alal ya xc'oht ta sna, ya stsob tal yamigotac soc spat xuhc, hich ya yalbe: Pajaluc me ay yutsil co'tantic, yu'un la jtahix te jcoht jtuminchij te ch'aye, xchi.

San Juan 15:11

Ha la jcalbeyex ini scuenta yu'un hich yac awich'bonic te yutsil co'tan, soc ts'acal ya xc'oht a te yutsil awo'tanic.

San Juan 16:24

Ma to ayuc bin ac'ambeyejic ta scuenta te jbihile. C'anahic, ya me awich'ic, scuenta yu'un ts'acal ya xc'oht a te stse'elil awo'tanique.

San Juan 17:13

Ya xbohonix ta atojol; pero ya cal hilel li' ta bahlumilal ha'i c'op ini scuenta yu'un ts'acal ya yich'bonic te stse'elil co'tan.

San Juan 3:30

Ya sc'an te ha ya xtohy sc'oblal, soc te ya xpehc'aj jc'oblal te ho'one.

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Filipenses 2:2

ts'acaytesbonic te stse'elil co'tan yu'un te pajaluc awo'tanic, pajaluc c'ux yac awa'iy abahic, junuc nax ya x'ayinex soc junuc nax snopojibal awu'unic.

1 Juan 1:4

Ha ya jts'ihbabeyex ini scuenta yu'un ts'acal ya xc'oht a te stse'elil awo'tanique.

2 Juan 1:12

Ay bayel bin ya jc'an ya jts'ihbabeyex, pero ma jc'an ya jpas ta hun soc ta tinta, como co'tanuc ya xtal jc'oponex soc ya quilbe jba sitic scuenta yu'un ts'acal ya xc'oht te stse'elil co'tantique.

Apocalipsis 21:9

Tal jtuhl te huqueb ch'ul a'batetic te yich'ojic te huqueb copahetic te nojel ta slajibal wocoletic, hich la yalbon: La', ya ca'bat awil te ach'ix te ya xnuhpun soc te Jcolel Tuminchij, xchi.