San Juan 21:15 - Bible in Tzeltal Bachajón

¹⁵ C'alal laj yo'tanic ta we'el, te Jesús la yalbe te Simón Pedro: Simón, snich'anat Jonás, ¿c'ax bal hich c'uxon ta awo'tan a te bin ut'il te yantic ini? xchi. C'ux, Cajwal. Ana'oj te c'uxat ta co'tan, xchi te Pedro. Mac'limbon te bic'tal tuminchijetic cu'un, xchi te Jesús.

Nuevo Testamento Tzeltal de Amatenango

¹⁵ Lajikix ta weꞌel a, te Jesuse la sjojkꞌobe te Simon Pedroe: —Simon, te xnichꞌanat te Jonase, ¿me mas kꞌux ya awaꞌiyon ta awoꞌtan jich tutꞌ yan to? —xchi. Te jPedro la sjakꞌ: —Jich, Kajwal. Anaꞌoj te kꞌuxat ta koꞌtane —xyut. Te Jesuse la yalbe: —Kanantaybon me te jkarneraetik kuꞌun cheꞌe —xchi.

Bible in Tzeltal de Oxchuc y Tenejapa

¹⁵ Te c'alal lajix yo'tanic ta we'ele, te Jesús caj yalbey te Simón Pedroe: —Simón, te snich'anat Jonase, ¿c'ax bal jich c'uxon ta awo'tan a te bit'il in yantic to? —xi'. La yal te Pedroe: —C'ux, Cajwal. Ana'oj stojol te c'uxat ta co'tane —xi'. La yal te Jesuse: —Mac'linbon te alal chijetic cu'un jiche —xi'.

San Juan 21:15 ပူးပေါင်းရင်းမြစ်များ

Génesis 33:13

Pero la yal te Jacob: Cajwal, yac ana' te tutic to te alaletic soc te ay yalatac te tuminchijetic soc wacaxetic; teme ya xtenotic ta behel, ta junax c'ahc'al ya xcham spisil te tuminchijetique.

2 Samuel 7:20

¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Jeremías 23:4

Ya cac'ticlambe jcananetic te ya scanantayique. Ma ba ya xiwiquix, ma ba ya smel yo'tanic, soc ma xch'ay jcohtuc, xchi te Jehová.

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Ezequiel 46:24

Hich la yalbon: Ha te cocinahetic te banti te mach'atic ya x'a'tejic ta templo ya spayic te mahtaniletic yu'un te ants-winiquetique, xchi.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Mateo 16:17

Hich halbot yu'un te Jesús: Bayel awutsil, Simón snich'anat Jonás, como ma ha'uc la ya'bat ana' te mach'a ch'ich'-baq'uet, ha la ya'bat ana' te Jtat te ay ta ch'ulchan.

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

San Mateo 26:33

La sjac' te Pedro: Aunque spisil ya xjihn yo'tanic ta atojol, te ho'one mayuc bin ora ya xjihn co'tan, xchi stuquel.

San Mateo 26:35

La sjac' te Pedro: Aunque pajal ya xlajotic, mayuc bin ora ya jmucat ta co'tan, xchi. Hich nix la yalic spisil te jnopojeletique.

San Marcos 14:29

La yal te Pedro: Aunque spisil ya xpehc'aj yo'tanic ta atojol, yan te ho'one ma'uc, xchi.

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

San Lucas 22:32

pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

San Juan 13:37

La yal te Pedro: Cajwal ¿bin yu'un te ma xhu' ya jt'unat bahel ta ora? ¡Ya cac' ta lajel jcuxlejal ta acuenta! xchi.

San Juan 16:27

como ha nix te Tatil c'ux ya ya'iyex ta yo'tan, como c'uxon ta awo'tanic soc ach'uhunejic te talemon ta stojol te Diose.

San Juan 21:12

La yal te Jesús: La' me, we'anic, xchi. Mayuc jtuhluc te jnopojeletic te la sjoc'obe: ¿Mach'ayat a? mayuc mach'a xchi, como spisilic sna'ojic te ha te Cajwaltique.

San Juan 21:7

Hich te jnopojel te c'ux ta yo'tan Jesús la yalbe te Pedro: ¡Ha te Cajwaltique! xchi. C'alal la ya'iy te Simón Pedro te ha te Cajwaltic, la schuc te smuc'ul-c'u' (como scholojix), la sch'oj ochel sba ta ha'.

San Juan 8:42

Halbotic yu'un te Jesús: Te ha'uc atatic te Diose, c'ux yac awa'iyonic te hichuque, como talemon ta stojol te Dios soc li' ayon; ma jtuquel-o'tanuc nax te talemon, ha nix sticonejon tal te Diose.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 20:29

yu'un jna'oj te c'alal ya xloc'on bahel ya me x'och tal ta awohlilic ti'awal chojetic te ya slajin te tuminchijetique.

Romanos 14:1

Ic'ahic me te mach'atic mayuc yip sch'uhunel yo'tanic, pero ma yu'unuc te yac atijic ta c'op yu'un te bintic ay ta nopel ta o'tanil.

Romanos 15:1

Ho'otic te ay yip co'tantic ya sc'an te ya xcuhch cu'untic te mach'atic mayuc yip yo'tanic, ma me ha'uc ya jlehtic te bin lec co'tantic yu'un ta jtuqueltic.

1 Corintios 8:11

Hich ta scuenta te bin yac ana' ha'at, yac awac' ch'ayuc awermano te mayuc yip yo'tan, te cham Cristo yu'une.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Efesios 4:14

Hich ma ba alalotiquix te xyal xmo te co'tantic, te bayuc ya x'ic'ototic bahel yu'un biluc nohptesel soc te lo'loyel yu'un winiquetic te yac slo'loybelic ta scuenta te lo'loywanej yu'unique;

Efesios 6:24

Ac'a c'ohtuc te yutsil yo'tan Dios ta stojol spisil mach'atic c'ux ta yo'tanic te Cajwaltic Jesucristo soc sc'uxul-o'tanil te ma xch'aye. Hichuc.

Hebreos 13:20

Te Dios yu'un lamal q'uinal, te ta scuenta te sch'ich'el te yach'il chapbil-c'op la scha'cuxajtes tal ta lajel te Cajwaltic Jesucristo, te muc'ul Jcanantaywanej yu'un te tuminchijetic,

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

1 Pedro 1:8

Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

1 Pedro 2:2

C'anahic te lequil chu'ul yu'un te Espíritu, hich te bin ut'il alaletic te ayinelic to, yu'un hich me ya xmuc'ubex a ta scuenta te colel awu'unic,

1 Pedro 2:25

Como hichex te bin ut'il tuminchijetic te howiyemic, pero yo'tic suhtemexix tal ta stojol te Jcanantaywanej soc te Mach'a ya scanantaybeyex ach'uhlelique.

1 Juan 4:19

C'ux ya ca'iy ta co'tantic te Dios como ha nahil c'ux la ya'iyotic ta yo'tan stuquel.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.