San Juan 21:14 - Bible in Tzeltal Bachajón

¹⁴ Ha yoxebalix buelta a te la yac' sba ta ilel yu'un te jnopojeletic te c'alal cha'cuxajemix tal a.

Nuevo Testamento Tzeltal de Amatenango

¹⁴ Jaꞌ to jaꞌ yoxmelalix ya yakꞌ sba ta ilel a te Jesus ta stojol te jnopojeletik yuꞌune te kꞌalal chaꞌkuxemix tal ae.

Bible in Tzeltal de Oxchuc y Tenejapa

¹⁴ Ja' yoxebal buelta te la yac' sba ta ilel ta stojol te jnopojeletic yu'un te bit'il cha'cuxix tel ta bay te animaetique.

San Juan 21:14 ပူးပေါင်းရင်းမြစ်များ

San Marcos 16:12

Patil te Jesús yanix yilel la yac' sba ta ilel yu'un cha'tuhlic te yacalic ta behel ta be ta yan lugar.

San Marcos 16:14

Ta slajibal la yac' sba ta ilel yu'un te buluchtuhl (11) te c'alal ayic ta mesa a; la yuticlan yu'un te mayuc sch'uhunel yo'tanic soc tulan te yo'tanique, como ma ba la sch'uhunic te mach'atic la yilic te cha'cuxajemixe.

San Juan 20:19

Te c'alal ihc'ub q'uinal ta sba c'ahc'alil semana, macajtic a te puertahetic te banti stsoboj sbahic te jnopojeletic ta scaj te la xi'ic te judíohetic, tal te Jesús, la stehc'an sba ta yohlilic, hich la yal: ¡Lamaluc me q'uinal yac awa'iyic! xchi.

San Juan 20:26

Waxaqueb c'ahc'al ta patil ayic ta yut na yan buelta te jnopojeletic, soc tey sjoquinejiquix a te Tomás. Macajtic a te puertahetic, tal stehc'an sba ta yohlilic te Jesús, hich la yalbe: ¡Lamaluc me q'uinal xawa'iyic! xchi.

San Juan 21:1

Ta patil te Jesús la yac' xan sba ta ilel yu'un te jnopojeletic ta ti'mar yu'un Tiberias. Te bin ut'il la yac' sba ta ilel, hich ay:

Hechos 1:3

C'alal c'axemix swocol a, ta scuxlejal la yac' sba ta ilel ta stojolic soc bayel pruebahetic te jamal la yac' ta ilel te cuxule. Cha'winic (40) c'ahc'al la yac' sba ta ilel yu'unic soc la yalbe ya'iyic sc'oblal te cuentahinel yu'un Dios.