San Juan 20:2 - Bible in Tzeltal Bachajón

² Hich baht ta ahnimal ta stojol te Simón Pedro soc te yan jnopojel te c'ux ta yo'tan Jesús, hich c'oht yalbe: La yiq'uiquix loq'uel ta muquenal te Cajwaltic, ma jna'tic banti c'oht yaq'uic hilel, xchi.

Nuevo Testamento Tzeltal de Amatenango

² Jich xyalet kaꞌel te ba ay te Simon Pedroe sok te jtul xan jnopojele te machꞌa ben kꞌux a yaꞌi sba sok te Jesuse, y la yaltalanbe: —La yichꞌbeyikix lokꞌel stiꞌbalul te ba mukul te Kajwaltike, y ma jnaꞌtik ba la yakꞌik —xchi kꞌoel.

Bible in Tzeltal de Oxchuc y Tenejapa

² Jich bajt' ta animal tey a ta ba ay te Simón Pedroe soc te yan jnopojel te bayal c'ux sba ta yo'tan soc te Jesuse. Jich c'o yalbey: —La yich'beyiquix loq'uel sbaq'uetal ta muquenal te Cajwaltique. Ma jna'tic te banti la yaq'uique —xi' c'oel.

San Juan 20:2 ပူးပေါင်းရင်းမြစ်များ

San Juan 13:23

Ay jtuhl jnopojel yu'un, te c'ux ta yo'tan Jesús, metsel ta sts'ehl te Jesús.

San Juan 19:26

C'alal Jesús la yil te snan soc te jnopojel te c'ux ta yo'tan te tey ay a, hich la yalbe te snane: Ants, tey ay te awale, xchi;

San Juan 20:13

Hich halbot yu'unic: Ants, ¿bin yu'un yacat ta oq'uel? xchihic. Yu'un la yich'bonic bahel sbaq'uetal te Cajwal, ma jna' banti c'oht yaq'uic hilel, xchi te María.

San Juan 20:15

Joc'obot yu'un te Jesús: Ants, ¿bin yu'un yacat ta oq'uel? ¿Mach'a yac ale? xchi. Te María la scuy te ha jcanan-ts'unubil, hich la yalbe: Tatil, teme ha'at la awich'be bahel, halbon banti c'oht awac' hilel, yu'un ya quich'be bahel, xchi.

San Juan 20:9

Ma to ba c'ohem ta yo'tanic a te bin ya yal te Shun Dios te ya sc'an te ya xcha'cuxaj tal ta yohlil te mach'atic chamenic.

San Juan 21:20

La sut sba te Pedro, la yil t'umbil yu'un te jnopojel te c'ux ta yo'tan Jesús, ha nix te mach'a ay ta nopol stahn Jesús te c'alal we'ic, soc te la sjoc'oy: ¿Mach'a a te ya yac'at ta c'abal, Cajwal? te xchihe.

San Juan 21:24

Ha te jnopojel te yac yalbel ta testigo-c'op te bintic c'ohtix ta pasel soc ha la sts'ihbay ini. Ya jna'tic te melel bin ya yal ta testigo-c'op.

San Juan 21:7

Hich te jnopojel te c'ux ta yo'tan Jesús la yalbe te Pedro: ¡Ha te Cajwaltique! xchi. C'alal la ya'iy te Simón Pedro te ha te Cajwaltic, la schuc te smuc'ul-c'u' (como scholojix), la sch'oj ochel sba ta ha'.