San Juan 20:17 - Bible in Tzeltal Bachajón

¹⁷ Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

Nuevo Testamento Tzeltal de Amatenango

¹⁷ Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

Bible in Tzeltal de Oxchuc y Tenejapa

¹⁷ La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

San Juan 20:17 ပူးပေါင်းရင်းမြစ်များ

2 Reyes 4:29

Te Eliseo hich la yalbe te Giezi: Chuca ach'uht, ich'a te jnahbate', bahan me. Teme ay mach'a yac ata ta be, ma me xapatbe yo'tan; teme ay mach'a ya spatbat awo'tan, ma me xajac'be. Cajambeya ta yelaw te alal te jnahbate', xchi.

2 Reyes 7:9

Pero hich la yalbe sbahic: Ma lecuc te bin yacotic ta spasele. Yo'tic ha sc'ahc'alel te bin lec c'oht ta pasel, pero ho'otic mayuc bin ya caltic. Teme ya jmahliytic ha to c'alal ya sacub te q'uinale, ya me jta jmultic. Conic ta ora, ochucotic bahel, ya ca'betic sna' ta sna ajwalil, xchihic.

Salmos 22:22

Ya me calbat abihil ta stojol te quermanotac, ya calbat yutsil ac'oblal ta yohlilic.

Salmos 43:4

Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

Salmos 48:14

como te Dios ini ha Dios cu'untic sbahtel q'uinal; ha jtojobteswanej cu'untic sbahtel q'uinal.

Salmos 68:18

Mohat bahel ta toyol, la awic'ticlan bahel jchuqueletic; la awich'be mahtaniletic yu'un te ants-winiquetic, soc yu'un te mach'atic stoyoj sbahic, scuenta yu'un tey ya xnahinat a, Jehová Dios.

Salmos 89:26

Ya me yawtayon: Ha'at jtatat, ha'at Diosat cu'un, soc muc'ul tonat yu'un te jcolele, xchi.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Jeremías 31:33

Hich ay te chapbil-c'op te ya jpas soc te sna Israel ta patil bahel, xchi te Jehová: Ya cac' ta sjolic te ley cu'un soc ya jts'ihbabe ta yo'tanic. Ho'on Dioson yu'unic ya xc'ohon, soc ha pueblo cu'un ya xc'ohtic.

Jeremías 32:38

Ha pueblo cu'un ya xc'ohtic, soc ho'on Dioson yu'unic ya xc'ohon.

Ezequiel 36:28

Ya xnahinex ta q'uinal te la jca'be te ame'atatique; ha'ex pueblohex cu'un ya xc'ohex soc ho'on Dioson awu'unic ya xc'ohon.

Ezequiel 37:27

Ay ta yohlilic te banti ya xnahinon; ho'on Dioson yu'unic ya xc'ohon, soc ha pueblo cu'un ya xc'oht.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 28:7

Bahanic ta ora, halbeyahic ya'iy te jnopojeletic yu'un te cha'cuxajix tal ta yohlil te mach'atic chamenic, soc ya xnahilij bahel awu'unic ta Galilea, tey ya xc'oht awilic a. La me jcalbeyex awa'iyic, xchi.

San Marcos 12:26

Pero te bin ut'il ay sc'oblal te ya xcha'cuxajic te mach'atic chamenic, ¿ma bal ayuc awilojic ta shun Moisés te c'alal c'oponot yu'un Dios ta jpeht ch'ix te hich halbot yu'une: Ho'on Dioson yu'un Abraham, Dioson yu'un Isaac soc Dioson yu'un Jacob, te xchihe?

San Marcos 16:19

Laj sc'opombel a te jnopojeletic yu'un, ic'ot mohel ta ch'ulchan te Cajwaltic, c'oht shuhcan sba ta swa'el-c'ab te Diose.

San Lucas 10:4

Ma me xawich'ic bahel abolsahic, achojaq'uic o atepic; soc ma me ayuc mach'a yac apatbeyic yo'tan ta be.

San Juan 13:1

Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 14:2

Ta banti sna te Jtate ay bayel ta jtsahl banti ya xnahinex; te yu'unuc ma hichuc aye, la jcalbeyex te hichuque. Ha yu'un ya xbaht jchahpambeyex awawilic tey a.

San Juan 14:28

La awa'iyiquix te la jcalbeyex: Ya xbohon, pero ya xcha'talon ta atojolic, te xchihone. Te ha'uc c'uxon ta awo'tanic, tse'el awo'tanic yu'un te ya xbohon ta banti ay te Jtate, como ha toyol cu'un te Jtate.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 16:28

Talemon ta stojol te Tatil soc hulemon ta bahlumilal; yo'tic ya quihquitayix hilel te bahlumilal, ya xbohonix ta stojol te Tatile, xchi.

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Juan 17:5

Yo'tic, Jtat, a'bon quich' xan cutsilal ta atojol, ha te utsilal ay cu'untic te c'alal ma to ayuc a te bahlumilale.

San Juan 20:27

Soc la yalbe te Tomás: Ac'a tal yal ac'ab, ilbon awil te jc'abe. Ac'a tal ac'ab, otsesa ta jmochbaquel; ma me yu'unuc ma xach'uhun, ch'uhuna me, xchi sc'oblal.

San Juan 7:33

La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

2 Corintios 6:18

Ho'on Atatonic ya xc'ohon, ha'ex ach'ix queremetic cu'un ya xc'ohex, xchi te Cajwaltic te spisil ya xhu' yu'une.

Gálatas 3:26

Apisilic yal-snich'anex Dios ta scuenta bin ut'il ach'uhunejic te Cristo Jesús,

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Hebreos 8:10

Ha yu'un hich ay te chapbil-c'op ya jpas soc te na yu'un Israel ta patil, xchi te Cajwaltic: Ya cac' ta spensaric te leyetic cu'un, ya jts'ihbabe ta yo'tanic; ho'on Dioson yu'unic ya xc'ohon, soc ha pueblo cu'un ya xc'ohtic.

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Apocalipsis 21:7

Te mach'a ya ya'iy tsalaw ya me x'a'bot yu'untay spisil ini, soc Ho'on Dioson yu'un ya xc'ohon soc ha cal-jnich'an ya xc'oht.