San Juan 20:12 - Bible in Tzeltal Bachajón

¹² la yil cheb ch'ul a'batetic te sac sc'u' spaq'uic, jtuhl hucul ta sjolinab, jtuhl ta yoquinab ta banti ac'ot hilel te sbaq'uetal Jesús.

Nuevo Testamento Tzeltal de Amatenango

¹² y la yil cheb chꞌul angeletik te ben sak te skꞌuꞌ-spakꞌike. Teꞌ najakajtik te ba aꞌbot stiꞌbalul te Jesuse, jtul ta sjol y jtul ta yok.

Bible in Tzeltal de Oxchuc y Tenejapa

¹² La yil cheb ch'ul abatetic te sac sc'u'-spaq'uique. Jtul nacal ta bay yawil sjol te Jesuse soc jtul ta yawil yacan.

San Juan 20:12 ပူးပေါင်းရင်းမြစ်များ

2 Crónicas 5:12

spisil te levitahetic te ya xc'ayojinic, ha te Asaf, Hemán, Jedutún, soc te snich'nabic soc te yermanotac, tec'ajtic spisilic ta stojol banti ya xloc' tal c'ahc'al yu'un te scajtajib ta chiq'uel mahtanil, slapojic lino-pac' soc yich'ojic te platillo, salterio soc arpahetic, soc sjoquinejic wacwinic (120) ta tuhl sacerdotehetic te la yoq'uesinic cornetahetic.

Daniel 7:9

Yacon ta yilel a, la yich' chahpanel huctajibaletic, la shuhcan sba jtuhl Mamal. Te sc'u' hich sacal te bin ut'il me'sic, te stsotsel sjol sac hich te bin ut'il stsotsel tuminchij. Yat c'ahc' te shuctajib, soc te ruedahetic ha c'ahc' te yac ta tihlel,

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

Hechos 1:10

Yac yilbelic te ch'ulchan te c'alal yac ta mohel bahel a, ay cheb winiquetic tec'ajtic hulel ta sts'ehlic, sac sc'u' spac' slapojic,

Apocalipsis 3:4

Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.