San Juan 2:25 - Bible in Tzeltal Bachajón

²⁵ ma yu'unuc la sc'an te ay mach'a ya yalbe bin ut'il ay yo'tan te ants-winic, como sna'oj stuquel te bin ay ta yo'tan.

Nuevo Testamento Tzeltal de Amatenango

²⁵ Ma puersauk te ay machꞌa ya xꞌalbot yuꞌun te tut ay yoꞌtan te genteetike, yuꞌun stukel mismo snaꞌojbe yoꞌtan te juju-tul gentee.

Bible in Tzeltal de Oxchuc y Tenejapa

²⁵ Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Juan 2:25 ပူးပေါင်းရင်းမြစ်များ

1 Reyes 8:39

a'iybeya sc'opic c'alal ta ch'ulchan, te banti nahinemat, pasbeya perdón, pasa te bin ya sc'an pasel. A'beya ta tuhlultuhl ha chican bin yilel te bin spasojic, como ha'at ana'beyej yo'tan (como ha'at nax atuquel ana'beyej yo'tan spisil ants-winiquetic),

Isaías 11:3

soc ha lec yo'tan yu'un te yich'el ta muc' te Jehová. Ma ha'uc ya schahpan yu'un te bin ya yil ta sit, ma ha'uc ya schahpan yu'un te bin ya ya'iy ta schiquin;

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

San Juan 1:47

C'alal la yil te Jesús te yac ta nohpojel tal te Natanael, hich la yal: Ilawil, ha mero israel-winic te ma sna' lo'loywanej stuquel, xchi.

San Juan 13:11

Como sna'oj te mach'a ya x'ac'ot ta c'abal yu'un, ha scuentahil la yal: Ma apisilicuc pocbilex, te xchihe.

San Juan 6:61

Te Jesús la sna' te hahchic wulajanel yu'un te jnopojeletic yu'un, ha yu'un la yal: ¿Yu'un bal ma lecuc c'oht ta awo'tanic bin la jcal?

San Juan 6:64

Pero ay cha'oxtuhlex te ma ba yac ach'uhunic, xchi (como ta shahchibal to tal sna'oj te Jesús mach'atic a te ma ba ya sch'uhunic soc mach'a a te ya x'ac'ot ta c'abal yu'une).

Deuteronomio 31:21

Te c'alal ya xtal bayel swocolic soc mel-o'tan, hich te c'ayoj ya me sjac' ta scuenta testigo ta stojolic, como ya me xtal ta yo'tanic te sts'umbalique. Como nahil jna'ojix te bin ya snop ta yo'tanic, te c'alal ma to ba cac'oj ochel a tey ta q'uinal te jc'axel la jcalbe ta jamal ya ca'beyic, xchi.