San Juan 2:24 - Bible in Tzeltal Bachajón

²⁴ Pero te Jesús ma ba la smuc'ulin yo'tan, como sna'beyej yo'tan spisilic;

Nuevo Testamento Tzeltal de Amatenango

²⁴ Pero te Jesuse maꞌ yipin yoꞌtan yuꞌun, porke snaꞌojlanbe yoꞌtan spisil te genteetike.

Bible in Tzeltal de Oxchuc y Tenejapa

²⁴ Te Jesús ma la yac' sba ta na'el ta stojolic, yu'un sna'ojbey te bi yilel yo'tanic spisil te ants-winiquetique.

San Juan 2:24 ပူးပေါင်းရင်းမြစ်များ

1 Reyes 8:39

a'iybeya sc'opic c'alal ta ch'ulchan, te banti nahinemat, pasbeya perdón, pasa te bin ya sc'an pasel. A'beya ta tuhlultuhl ha chican bin yilel te bin spasojic, como ha'at ana'beyej yo'tan (como ha'at nax atuquel ana'beyej yo'tan spisil ants-winiquetic),

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

1 Crónicas 29:17

Ya jna', Dios cu'un, te yac ana'ticlan o'taniletic soc te yac amulan te bin stojil. Ha scuentahil te ta scuenta stojil co'tan soc ta sc'anojel co'tan la jca'bat spisil ini, soc yo'tic tse'el co'tan la jquilix te pueblo awu'un te stsoboj sbahic ta ora ini, te la ya'bat soc yutsil yo'tanic.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

San Marcos 2:8

Te Jesús ora la sna' ta yo'tan te hich yac snopbelic ta yo'tanic, ha yu'un hich la sjoc'obeyic: ¿Bin yu'un te hich yac anopbel ta awo'tanic?

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

San Juan 16:30

La jna'cotiquix te yac ana' spisil, ma yu'unuc ya sc'an te ay mach'a ya sjoc'obat; ha scuentahil te la jch'uhuncotic te talemat ta stojol te Diose, xchihic.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

San Juan 4:16

Bahan, ic'a tal te amamalal, xchi te Jesús.

San Juan 5:42

Pero ya jna'beyex awo'tanic, te mayuc ta awo'tanic te sc'uxul yo'tan te Diose.

San Juan 6:15

Pero la sna' te Jesús te c'an taluc ta otsesel ta ajwalil, hich stuquel xanix suht mohel ta wits.

San Juan 6:64

Pero ay cha'oxtuhlex te ma ba yac ach'uhunic, xchi (como ta shahchibal to tal sna'oj te Jesús mach'atic a te ma ba ya sch'uhunic soc mach'a a te ya x'ac'ot ta c'abal yu'une).

Hechos 1:24

Hich la yalic ta sc'oponel Dios: Ha'at, Cajwal, te yac ana'be yo'tan spisilic, ac'a ta na'el mach'a tsahbil awu'un ta schebalic,

Hechos 15:8

Te Dios te ya sna'be yo'tanic, la yac' ta ilel te lec yo'tan yu'unic te bin ut'il la ya'be te Ch'ul Espíritu hich te bin ut'il te ho'otique;

Deuteronomio 31:21

Te c'alal ya xtal bayel swocolic soc mel-o'tan, hich te c'ayoj ya me sjac' ta scuenta testigo ta stojolic, como ya me xtal ta yo'tanic te sts'umbalique. Como nahil jna'ojix te bin ya snop ta yo'tanic, te c'alal ma to ba cac'oj ochel a tey ta q'uinal te jc'axel la jcalbe ta jamal ya ca'beyic, xchi.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

1 Samuel 16:7

Pero halbot yu'un Jehová te Samuel: Ma me ha'uc xawil te bin yilel o te bin yilel snahtil, como ch'aybil cu'un. Como te Jehová ma ha'uc ya yil te bin ya yil te ants-winic, como te ants-winic ha ya yil te bin chican ta sit, yan te Jehová ha ya yil te bin yilel te o'tanile, xchi.