San Juan 2:11 - Bible in Tzeltal Bachajón

¹¹ Ha shahchibal te señahiletic te la spas Jesús ta Caná te ay ta sq'uinal Galilea, hich la yac' ta ilel te yutsilal; soc hich ch'uhunot yu'un te jnopojeletic yu'une.

Nuevo Testamento Tzeltal de Amatenango

¹¹ Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

Bible in Tzeltal de Oxchuc y Tenejapa

¹¹ Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 2:11 ပူးပေါင်းရင်းမြစ်များ

1 Reyes 17:24

Te ants la yalbe te Elías: Yo'tic la jna'ix te ha'at winicat yu'un Dios, soc te bin yac awal, ha smelelil sc'op te Jehová, xchi.

Salmos 72:19

¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!

Salmos 96:3

Halbeyahic sc'oblal yutsilal ta stojol te nacionetic, ta stojol te pueblohetic hableya sc'oblal spisil ta chahp a'teliletic yu'un,

Éxodo 14:31

C'alal la yil te Israel te bin muc' la spas te Jehová ta scontrahinel te egipciohetic, la xi'ic te Jehová, la sch'uhunic te Jehová soc te Moisés, te ya'bate.

Éxodo 4:9

Yan teme ma ba ya sch'uhunic te cheb señahetic ini soc teme ma ba ya ya'iybat te ac'ope, ya me alup te ha' ta muc'ul-ha', ya me amal ta lumq'uinal. Te ha' yac alup loq'uel ta muc'ul-ha', ya xc'atp'uj ta ch'ich' ta lumq'uinal, xchi.

Eclesiastés 9:7

Bahan, tse'eluc me awo'tan ya xwe'at, soc tse'eluc me awo'tan yac awuch' te vino awu'une, como lequix yo'tan Dios yu'un te awa'tele.

Isaías 40:5

Hich ya xchicnaj te yutsilal te Jehová, soc spisil ants-winiquetic pajal me ya yilic, como c'opojix te Jehová, xchi.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

San Juan 1:43

Ta schebal c'ahc'al la snop te ya xbaht ta Galilea te Jesús. La sta te Felipe, hich la yalbe: T'unawon, xchi.

San Juan 1:50

Hich halbot yu'un te Jesús: ¿Ha bal la ach'uhun yu'un te la jcalbat te la jquilat te c'alal ayat ta ye'tal te higuera a? C'ax to xan hich yac awil a te bin ut'il ini, xchi.

San Juan 10:41

Tsobol talic ta stojol, hich la yalic: Melel te Juan mayuc seña la spas stuquel; pero spisil te bin la yal te Juan sc'oblal te winic ini, melel nix a, xchihic.

San Juan 11:15

Tse'el co'tan awu'unic te ma ba tey ayon a, scuenta yu'un yac ach'uhunonic. Conic tey a, xchi.

San Juan 11:47

Ha yu'un te principal sacerdotehetic soc te fariseohetic la stsobic te jchahpanwanejetic, hich la yalic: ¿Bin ya cutic? como bayel señahiletic yac spasticlambel te winique.

San Juan 12:18

Ha scuentahil te c'oht stahic tal te Jesús te ants-winiquetic, como ya'iyejic te spasoj te señahil ini.

San Juan 12:37

Aunque bayel señahiletic la spas ta stojolic, ma ba la sch'uhunic te Jesús,

San Juan 12:41

Hich la yal te Isaías te c'alal la yilbe yutsilal te Jesús soc te la yalbe sc'oblale.

San Juan 14:13

Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

San Juan 16:27

como ha nix te Tatil c'ux ya ya'iyex ta yo'tan, como c'uxon ta awo'tanic soc ach'uhunejic te talemon ta stojol te Diose.

San Juan 16:30

La jna'cotiquix te yac ana' spisil, ma yu'unuc ya sc'an te ay mach'a ya sjoc'obat; ha scuentahil te la jch'uhuncotic te talemat ta stojol te Diose, xchihic.

San Juan 2:1

Yoxebal c'ahc'al a, ayin nuhpunel ta Caná ay ta sq'uinal Galilea; tey ay a te snan Jesús,

San Juan 2:23

C'alal ay ta Jerusalén a te Jesús, ta yorahil Q'uin Pascua, tsobol mach'atic la sch'uhunic c'alal la yilbeyic te señahiletic te la spase.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 4:3

ha yu'un loc' bahel ta Judea, baht yan buelta ta Galilea.

San Juan 4:46

Te Jesús cha'baht xan ta Caná ta sq'uinal Galilea, ta banti la sc'ahtajtes ta vino te ha'e. Ta Capernaum ay jtuhl swinic ajwalil te ay ta chamel te snich'ane.

San Juan 4:54

Ha schebal señahil te la spas Jesús te c'alal hahch tal ta Judea, te hul ta Galilea.

San Juan 5:23

scuenta yu'un spisil ya me yich'ic ta muc' te Nich'anil, hich te bin ut'il ya yich'ic ta muc' te Tatile. Te mach'a ma ba ya yich' ta muc' te Nich'anil, ma ba yich'oj ta muc' te Tatil te ticonot tal yu'une.

San Juan 6:14

Ha yu'un te winiquetic, c'alal la yilic te seña te la spas te Jesús, hich la yalic: Melel nix a te ha te Jalwanej te ya xtal ta bahlumilal, xchihic.

San Juan 6:2

Bayel ants-winiquetic la st'unic bahel yu'un la yilic te señahiletic la spasbe te jchameletique.

San Juan 6:26

La sjac' te Jesús: Tulan sc'oblal ya calbeyex, ma ha'uc yac alehonic yu'un te la awilic te señahiletic, ha nax yac alehonic yu'un te la awe'ic te pan te noj ach'uhtic yu'un.

San Juan 6:30

La sjoc'obeyic xan te Jesús: ¿Bin señahil yac apas scuenta yu'un ya quilcotic soc hich ya jch'uhunatcotic a? ¿Bin a'telil yac apas?

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 9:16

Ay fariseohetic hich la yalic: Te winic ini, ma ba talem ta stojol Dios, como ma ba ya scanantay te sc'ahc'alel cux-o'tan, xchihic. Ay yantic la yalic: ¿Bin ut'il ya xhu' yu'un spasel señahiletic te mach'a jmulawil? xchihic. Hich la stij sbahic ta c'op yu'un.

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

2 Corintios 4:17

como te jteb nax jwocoltic ini te jc'axel nax ay, ha yac yac'belotic cutsilaltic te c'ax lec xan a soc te mayuc slajibal;

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

Deuteronomio 5:24

hich la yalbonic: Ilawil, te Jehová te Dios cu'untic la yaq'uix quiltic te yutsilal soc te smuc'ule, soc la jca'iybetiquix sc'op te loc' tal ta yohlil te c'ahq'ue. Yo'tic quilojtiquix te Jehová ya sc'opon ants-winic, soc ma ba ya xcham yu'un.

1 Juan 5:13

La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal.