San Juan 19:9 - Bible in Tzeltal Bachajón

⁹ Cha'och xan bahel ta palacio, la sjoc'obe xan te Jesús: ¿Banti talemat? xchi. Pero ma ba la sjac' te Jesús.

Nuevo Testamento Tzeltal de Amatenango

⁹ Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

Bible in Tzeltal de Oxchuc y Tenejapa

⁹ Cha'och bael ta Pretorio. Jich la yalbey te Jesús: —¿Banti talemat? —xi'. Te Jesús ma la sjac'.

San Juan 19:9 ပူးပေါင်းရင်းမြစ်များ

Isaías 53:7

La yich' uts'inel soc c'ax swocol, pero ma ba la sjam ye; ic'ot bahel hich te bin ut'il alal tuminchij ta banti ya yich' milel; soc hich te bin ut'il ma xc'opoj te tuminchij ta stojol mach'a ya sjoxbe loq'uel stsotsel, ha nix hich ma ba la sjam ye.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Mateo 27:27

Hich te soldadohetic yu'un te gobernador la yiq'uic bahel ta palacio te Jesús, schahpal te soldadohetic la stsob sbahic tal ta sjoyobal.

San Lucas 23:9

Te Herodes bayel bin la sjoc'obe te Jesús, pero mayuc bin la sjac'.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Juan 18:33

Hich te Pilato suht ochel ta palacio, la yic' tal sjoc'obe te Jesús: ¿Ha'at bal Ajwalilat yu'un te judíohetique? xchi.

San Juan 18:34

La sjac' te Jesús: ¿Atuquel-o'tan bal te hich yac awal, o ay bal mach'a yan hich la yalbat? xchi.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Juan 19:10

La yal te Pilato: ¿Ma bal yacuc ajac'bon jc'op? ¿Yu'un bal ma ba yac ana' te ay ca'tel yu'un ya cac'at ta lajel ta cruz o te ya jcoltayat bahele? xchi.

San Juan 19:8

Bayel xiw yu'un te Pilato te c'alal hich la ya'iy.

San Juan 8:14

La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

Filipenses 1:28

te ma ba yac axi'ic te mach'atic ya scontrahinexe; tey ya xchicnaj a te ch'ayel ya xbahtic, yan te ha'exe ya xcolex; ha yu'un Dios ini.

Jueces 13:6

Te ants hich baht yalbe te smamalal: Ay jtuhl winic yu'un Dios te tal ta jtojol, hich yilel te bin ut'il ch'ul a'bat yu'un Dios, mero xiweltic sba. Ma ba la joc'obe ban talem, soc ma ba la yalbon te sbihile.