San Juan 19:36 - Bible in Tzeltal Bachajón

³⁶ Hich c'oht ta pasel scuenta yu'un ya xc'oht ta pasel te bin yal te Shun Dios: Ma ba ya yich' wac'beyel sbaquel stuquel, te xchihe.

Nuevo Testamento Tzeltal de Amatenango

³⁶ Porke spisil te tuti kꞌot ta pasele, yuꞌun me jich tsꞌakal a spas kumplir a te tut tsꞌibabil jilel ta Sjun te Diose te jich ya yale: “Ni jchꞌixuk sbakel ya yichꞌ kꞌajel stukel”, xchi me.

Bible in Tzeltal de Oxchuc y Tenejapa

³⁶ Melel jich c'ot ta pasel swenta yu'un ts'acal ya xc'ot ta pasel te bila ts'ibubil jilel ta Sjun te Diose: “Xujt' ma xyich' c'asel jch'ixuc sbaquel stuquel”, te xie.

San Juan 19:36 ပူးပေါင်းရင်းမြစ်များ

2 Reyes 15:12

Hich c'oht ta pasel a te bin yaloj Jehová ta stojol Jehú, te hich la yalbe: Ta schancajal ats'umbal ya me xhuhcajic ta huctajibal yu'un Israel, xchi.

Salmos 22:14

Malbilonix hich te bin ut'il ha', pitc'ujemiquix spisil te jbaquele. Te co'tan hich c'ohem te bin ut'il chabec', yac ta uhlel ta yutil te jbaq'uetale.

Salmos 34:20

Ha ya scanantaybe spisil te sbaquel; mayuc jch'ixuc te ya yich' waq'uele.

Salmos 35:10

Ta spisil co'tan hich ya me cal: Jehová, ¿mach'a pajalat soc, te yac awac' ta libre te pobrehetic ta stojol te mach'atic c'ax hich ay yipic a, soc te yac awac' ta libre te pobrehetic soc te mach'atic mayuc bin ay yu'un ta stojol te mach'atic ya x'elc'anot yu'unic? xchihon.

Éxodo 12:46

Ta junax na ya yich' we'el, ma me xawich'ic loq'uel ta fuera te ti'bal, soc ma me xawac'beyic junuc sbaquel.

Números 9:12

Ma me ayuc bin ya yihquitayic hilel yu'un pajel, soc ma ba ya swac'beyic junuc sbaquel. Ya me spasic hich te bin ut'il spisil te bin chapal yu'un te Q'uin Pascua.

San Mateo 1:22

Ta spisil ini hich c'oht ta pasel scuenta yu'un hich ya xc'oht a te bin yaloj te Cajwaltic ta scuenta te jalwanej, te hich la yal:

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 19:24

Hich la yalbe sbahic: Ma me jchi'tic, ha lec ya jpasbetic seña ta na'el te mach'a ya xc'oht ta scuenta, xchihic. Hich c'oht ta pasel scuenta yu'un ya xc'oht ta pasel te bin ya yal te Shun Dios: La spuc sbahic ta jc'u' jpac', soc la spasic seña ta na'el ta scuenta te jc'u'e, xchi. Hich la spasic te soldadohetique.

San Juan 19:28

Patil, te bin ut'il sna'oj Jesús te spisil hu'emix ta pasel, la yal: Taquin co'tan, xchi, scuenta yu'un hich ya xc'oht ta pasel a te bin ya yal te Shun Diose.