San Juan 19:34 - Bible in Tzeltal Bachajón

³⁴ Pero ay jtuhl soldado te la slowbe smochbaquel ta lanza, ora loc' ch'ich' soc ha'.

Nuevo Testamento Tzeltal de Amatenango

³⁴ Pero te jtul soltaroe la slowbe ta lansa te skostiyae, y ora nax a lokꞌ tal chꞌichꞌ sok tojol jaꞌ.

Bible in Tzeltal de Oxchuc y Tenejapa

³⁴ Ja'uc me to, ay jtul soldado la slowbey ta lanza te smoche. Ora nax a loc' tel ch'ich' soc ja'.

San Juan 19:34 ပူးပေါင်းရင်းမြစ်များ

Salmos 51:7

Pocawon ta hisopo, hich pocbil ya xc'ohon a; pocawon, yu'un c'ax hich sac ya xc'ohon a te bin ut'il me'sic.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

San Mateo 27:62

Ta schebal c'ahc'al, ha te c'axemix yorahil a te ya schahpanic te q'uine, la stsob sbahic te principal sacerdotehetic soc te fariseohetic ta stojol Pilato,

San Juan 19:33

Pero c'alal c'ohtic ta banti jipil te Jesús, la yilic te chamenix, ha yu'un ma ba la swac'beyic yacan stuquel.

San Juan 20:20

Laj yalbel a, la ya'be yilic te sc'ab soc te smochbaquel. Tse'el yo'tanic yu'un te jnopojeletic te c'alal la yilic te Cajwaltique.

Hechos 22:16

Yo'tic, ¿bin ya scomat? Hahchan, ac'a aba ta a'beyel awich' ha' soc poca loq'uel amul, c'opona te Diose, xchi.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Hebreos 9:13

Como te sch'ich'el torohetic soc tat tentsunetic soc te stanul te jcolel wacax te la yich' tsihtsinel ta stojol te mach'atic bohloben sc'oblalic, teme la slecubtesbe sbaq'uetalic,

Hebreos 9:22

Como ya yal te Ley te jteb ma spisiluc ya sc'an ya yich' lecubtesel ta ch'ich'; teme ma ba ya yich' malel ch'ich', mayuc perdón.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

1 Juan 5:6

Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile.

1 Juan 5:8

ha te Espíritu, te ha' soc te ch'ich'; junax bin ya yalic ta yoxebalic.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.