San Juan 19:24 - Bible in Tzeltal Bachajón

²⁴ Hich la yalbe sbahic: Ma me jchi'tic, ha lec ya jpasbetic seña ta na'el te mach'a ya xc'oht ta scuenta, xchihic. Hich c'oht ta pasel scuenta yu'un ya xc'oht ta pasel te bin ya yal te Shun Dios: La spuc sbahic ta jc'u' jpac', soc la spasic seña ta na'el ta scuenta te jc'u'e, xchi. Hich la spasic te soldadohetique.

Nuevo Testamento Tzeltal de Amatenango

²⁴ Te soltaroetik la yalbe sbaik: —Makꞌ ya jchꞌiꞌtik. Ya kiltik machꞌa ay suerte ya sta bael —xchiik. Jicha kꞌot ta pasel te tut tsꞌibabil jilel ta Sjun te Diose: “La spuk sbaik a te jkꞌuꞌ-jpakꞌe, y la yilik machꞌa ay suerte yuꞌun te ya sta bael te jman najtꞌil kamixe”, te xchie. Jich a spasik te soltaroetike.

Bible in Tzeltal de Oxchuc y Tenejapa

²⁴ Jich la yalbey sbaic: —Ma me jch'i'tic. Ja' lec ya jpastic ta número quiltic te mach'a ya xc'ot ta swentae —xiic. Jich c'ot ta pasel te bila ts'ibubil jilel ta Sjun te Diose: “La spucbey sbaic te jc'u'-jpaq'ue. La spasbeyic snumeroil ta na'el te mach'a ya xc'ot ta swenta te jc'u'e”, te xie. Jich nix la spasic te soldadoetique.

San Juan 19:24 ပူးပေါင်းရင်းမြစ်များ

2 Reyes 15:12

Hich c'oht ta pasel a te bin yaloj Jehová ta stojol Jehú, te hich la yalbe: Ta schancajal ats'umbal ya me xhuhcajic ta huctajibal yu'un Israel, xchi.

Salmos 22:18

La spuc sbahic a te jc'u' jpac', la spasic seña ta na'el ta scuenta te jc'u'e.

Éxodo 28:32

Ta yohlil, ta yahc'olal, hotbil ya xhil, soc pacbil ta ts'isel te sti'il hich bin ut'il spretinahul snuc', scuenta yu'un ma ba ya xch'i.

Isaías 10:7

Pero ma hichuc snopoj, ma hichuc ay ta yo'tan, te bin snopoj, ha te ya xjinawan, te ya slajin tsobol nacionetic.

San Mateo 27:35

Te c'alal jipilix ta cruz yu'unic a, la spuc sbahic te sc'u' spac', la spasbeyic seña ta na'el te mach'a ya xc'oht ta scuenta, scuenta yu'un hich ya xc'oht ta pasel a te bin yaloj te jalwanej: La spuc sbahic a te jc'u' jpac', la spasic seña ta na'el ta scuenta te jc'u', te xchihe.

San Marcos 15:24

C'alal laj sjihpambelic ta cruz la spuc sbahic a te sc'u' spac', la spasic seña ta na'el bin ya yich' ta jujutuhl.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Juan 10:35

Teme, diosex, xchi sc'oblalic te mach'atic hul ta stojolic te sc'op Diose, (ma xhu' ya xch'ay te bin ts'ihbabil ta Shun Dios),

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 19:28

Patil, te bin ut'il sna'oj Jesús te spisil hu'emix ta pasel, la yal: Taquin co'tan, xchi, scuenta yu'un hich ya xc'oht ta pasel a te bin ya yal te Shun Diose.

Hechos 13:27

como te mach'atic nahinemic ta Jerusalén soc te jcuentahinwanejetic yu'unic, ma ba la yich'ic ta cuenta mach'a a te Jesús soc te sc'op te jalwanejetic te ya yilic ta jujun sc'ahc'alel cux-o'tan, hich la yaq'uic ta milel.