San Juan 19:2 - Bible in Tzeltal Bachajón

² Te soldadohetic la sjalic ch'ix, la ya'beyic ta sjol te Jesús soc la ya'beyic slap chi'in-yaxal muc'ul-c'u'ul,

Nuevo Testamento Tzeltal de Amatenango

² Te soltaroetike la xotik chꞌix la yaꞌbeyik skoronain ta sjol te Jesuse, y la slapbeyik jlik mam najtꞌil tsajal kamixal.

Bible in Tzeltal de Oxchuc y Tenejapa

² Te soldadoetique la xotic ta jalel corona ch'ix. La yac'beyic ta sjol te Jesuse. Soc la yac'beyic slap najt'il tsaj'aman c'u'ul.

San Juan 19:2 ပူးပေါင်းရင်းမြစ်များ

Salmos 22:6

Pero te ho'one mero yolon, ma winicucon, tse'laybilon yu'un yantic ants-winiquetic soc p'ajbilon yu'un te pueblo.

Isaías 49:7

Hich yaloj te Jehová, te J'ac'aw ta libre, te Ch'ul Dios yu'un Israel, hich ya yalbe te mach'a ihlaybil, te p'ajbil yu'un te nacionetic, te a'bat yu'un te tulan jcuentahinwanejetic: C'alal ya yilex ajwaliletic, ya me xhahchic, ya me squejan sbahic príncipaletic, ta scaj Jehová te stalel jun yo'tan, te Ch'ul Dios yu'un Israel te la stsahate, xchi.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

San Lucas 23:11

Hich te Herodes soc te soldadohetic yu'un la sp'ajic soc la slabanic te Jesús, la ya'beyic slap buen t'ujbil c'u'ul, la sticon suhtel ta stojol Pilato.

San Juan 19:5

Hich loc' talel te Jesús, scoronahinej ch'ix soc slapoj te chi'in-yaxal muc'ul-c'u'ul. Li' ay te winique, xchi te Pilato.