San Juan 19:19 - Bible in Tzeltal Bachajón

¹⁹ Ay bin la yac' ta ts'ihbayel te Pilato te la yich' lap'el ta sjol te cruz, te hich la yal: JESÚS NAZARENO, AJWALIL YU'UN JUDÍOHETIC, xchi.

Nuevo Testamento Tzeltal de Amatenango

¹⁹ Te jPilato la yal mantal te ya xba kꞌojbek jilel jun letrero ta sjol te kruse te jich ya yale: “Jesus yuꞌun Nazaret, Rey yuꞌun te juriyoetike”, xchi te letreroe.

Bible in Tzeltal de Oxchuc y Tenejapa

¹⁹ Te Pilato la yal mandal ta ts'ibuyel: “JESUS TE NAZARETE, MUC' AJWALIL YU'UN TE JUDIOETIQUE”, xi' te ts'ibubile. La yaq'uic ta jol cruz.

San Juan 19:19 ပူးပေါင်းရင်းမြစ်များ

San Mateo 2:23

c'oht ta nahinel ta pueblo Nazaret sbihil, scuenta yu'un hich ya xc'oht ta pasel a te bin yaloj te jalwanejetic: Ya x'a'bot sbihilin Nazareno, te xchihique.

San Mateo 27:37

La ya'beyic ta yahc'olal sjol te ts'ihbabil te bin smulinej: HA JESÚS INI, TE AJWALIL YU'UN JUDÍOHETIC, xchi.

San Marcos 15:26

Hich ay te ts'ihbabil te bin smulinej: AJWALIL YU'UN TE JUDÍOHETIC, xchi.

San Lucas 18:37

Halbot te yac ta c'axel te Jesús talem ta Nazaret.

San Lucas 23:38

Ta yahc'olal ay ts'ihbabil ta griego, ta latín soc ta hebreo: HA TE AJWALIL YU'UN TE JUDÍOHETIC INI, xchi.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Juan 18:33

Hich te Pilato suht ochel ta palacio, la yic' tal sjoc'obe te Jesús: ¿Ha'at bal Ajwalilat yu'un te judíohetique? xchi.

San Juan 19:12

Ha yu'un te Pilato tey c'an scoltay bahel a te Jesús, pero te judíohetic xjuyetic hahchel ta aw: Teme yac acoltay bahel ha'i winic ini, yu'un nix ma ba jun awo'tan aba soc te César. Te mach'a ya scuy sba ta ajwalil, ha scontrahinej te César, xchihic.

San Juan 19:14

Ha yorahil a te ya schahpan sbahic yu'un te Q'uin Pascua, nopol ya sta ohlil c'ahc'al a. Te Pilato la yalbe te judíohetic: ¡Ilawil te Ajwalil awu'unique! xchi.

San Juan 19:21

Te principal sacerdotehetic yu'un te judíohetic la yalbeyic te Pilato: Ma me hichuc xats'ihbay: Ajwalil yu'un judíohetic, ma me xchihucat, hich me yac ats'ihbay: Yaloj: Ho'on Ajwalilon yu'un te judíohetic, xchi ya sc'an, la yutic.

San Juan 19:3

soc hahch slabanic: ¡Viva, Ajwalil yu'un judíohetic! xchihic, soc la spaq'uic ta majel.

Hechos 26:9

Jch'uhunej te la sc'an te bayel bin ya jpas ta scontrahinel te sbihil te Jesús te talem ta Nazaret;

Hechos 3:6

La yal te Pedro: Mayuc plata ni oro cu'un, pero te bin ay cu'un ya ca'bat: Ta scuenta sbihil Jesucristo talem ta Nazaret, hahchan, behenan, xchi.