San Juan 18:35 - Bible in Tzeltal Bachajón

³⁵ La sjac' te Pilato: ¿judío-winicon bal? Ha nix te alumal soc te principal sacerdotehetic awu'unic te la yac'at ta jc'ab. ¿Bin apasoj? xchi.

Nuevo Testamento Tzeltal de Amatenango

³⁵ La sjakꞌ te jPilatoe: —¿Me yuꞌun juriyoon? Jaꞌ mismo te alumale sok te stataletik yuꞌun te saserdoteetike te tal yakꞌat entregal ta jtojole. ¿Tut a te ma tsaꞌamuk apasoje? —xchi.

Bible in Tzeltal de Oxchuc y Tenejapa

³⁵ La yal te Pilatoe: —¿Yu'un bal judioon uuc te jo'one? Ja' nix te alumale soc te jwolwanej-sacerdoteetic awu'unic te la yac'at ta jtojole. ¿Bila a te amen apasoj jiche? —xi'.

San Juan 18:35 ပူးပေါင်းရင်းမြစ်များ

Esdras 4:12

Ac'a sna te ajwalil te bin ut'il te judiohetic te loq'uic tal te atojol, te hulic tal ta jtojolcotic, c'ohtic ta Jerusalén soc yac scha'pasbelic xan te pueblo te stoyoj sba soc te chopole. Yac shachbelic te ts'ahquetic soc yac scha'pasbelic te yich'o-ip.

Nehemías 4:2

Hich la yal ta stojol te smohloltac soc te soldadohetic yu'un Samaria: ¿Bin yac spasbelic te judiohetic te mayuc yipique? ¿Ya bal x'a'botic permiso te ya scha'aq'uic xan milbil mahtaniletic? ¿Ya bal xhu' yu'unic spasel ta junax c'ahc'al? ¿Ya bal yach'ubtesic te tonetic te busul stanul ta c'ahq'uel? xchi.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Juan 18:34

La sjac' te Jesús: ¿Atuquel-o'tan bal te hich yac awal, o ay bal mach'a yan hich la yalbat? xchi.

San Juan 18:36

La yal te Jesús: Te banti ay te cuentahinel cu'un, ma ha'uc li' ta bahlumilali. Te li'uc ay ta bahlumilal te cuentahinel cu'une, te a'batetic cu'un ya spasic guerra scuenta yu'un ma ba ya x'ochon ta c'abal yu'un te judíohetic te hichuque. Pero ma li'uc ay te cuentahinel cu'une, xchi.

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

San Juan 19:6

C'alal la yilic te Jesús te principal sacerdotehetic soc te policiahetic, hahchic ta aw: ¡Mila ta cruz! ¡Mila ta cruz! xchihic. La yal te Pilato: Ic'ahic bahel, milahic ta cruz te ha'exe, como mayuc smul la jtahbe te ho'one, xchi.

Hechos 21:38

¿Ma bal ha'ucat te egipcio-winic te la ahach bayel c'op ayix c'ahc'al, te la awic' bahel ta jochol taquin q'uinal lajunbahc' (4,000) jmilawetic? xchi.

Hechos 23:29

La jca'iy te ha smulinej yu'unic te bin ut'il ay ta ch'uhunel te ley yu'unic, pero mayuc smul te ya xhu' ya x'ac'ot ta lajel yu'un o te ya xhu' ya yich' chuquel yu'une.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.