San Juan 18:30 - Bible in Tzeltal Bachajón

³⁰ La sjaq'uic: Te yu'unuc mayuc bin chopol spasoj, ma ba tal ca'batcotic ta ac'ab te hichuque, xchihic.

Nuevo Testamento Tzeltal de Amatenango

³⁰ La yalik; —Te jich tsaꞌamuk yaꞌtele maꞌ kikꞌtik tal ta atojol te jichuke —xchiik.

Bible in Tzeltal de Oxchuc y Tenejapa

³⁰ La yalic: —Te manchuc amenuc te yat'ele, ma ba la cac'tic ta ac'ab te jichuque —xiic.

San Juan 18:30 ပူးပေါင်းရင်းမြစ်များ

San Marcos 10:33

Yacotiquix ta mohel bahel ta Jerusalén, te Nich'anil ay ta scuenta winic ya me x'ac'ot ta sc'ab te principal sacerdotehetic soc escribanohetic. Ya me schapbeyic sc'oblal ta milel soc ya me ya'beyic ta sc'ab jyanlumetic.

San Marcos 15:3

Te principal sacerdotehetic bayel la slehbeyic smul te Jesús.

San Lucas 24:7

Ya me x'ac'ot ta sc'ab jmulawiletic te Nich'anil ay ta scuenta winic soc ya xlaj ta milel ta cruz, pero ta yoxebal c'ahc'al ya me xcha'cuxaj tal, xchihic.

San Juan 18:29

Ha yu'un te Pilato loc' tal ta stojolic, hich la yalbe: ¿Bin smul awu'unic ha'i winic ini? xchi.

San Juan 18:31

Bahanic, ic'ahic bahel ha'ex, chahpanahic ta scuenta te ley awu'unique, xchi te Pilato. La sjaq'uic te judíohetic: Te ho'otcotic ma ba ac'bil ta jcuentacotic te ay mach'a ya cac'cotic ta lajel, xchihic.

San Juan 19:12

Ha yu'un te Pilato tey c'an scoltay bahel a te Jesús, pero te judíohetic xjuyetic hahchel ta aw: Teme yac acoltay bahel ha'i winic ini, yu'un nix ma ba jun awo'tan aba soc te César. Te mach'a ya scuy sba ta ajwalil, ha scontrahinej te César, xchihic.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

2 Timoteo 2:9

te yac ta c'axel jwocol yu'un, asta chuculon ta cadena hich te bin ut'il mach'a bayel smul stahoj. Pero te sc'op Dios ma ba chucul stuquel.

1 Pedro 4:15

Ha yu'un ma me ayuc mach'a ya xc'ax swocol ta scuenta milaw, elec', chopol a'tel, o te ya yotses sba ta banti ma yocheluc.