San Juan 18:18 - Bible in Tzeltal Bachajón

¹⁸ Tey tec'ajtic a te a'batetic soc te policiahetic, snup'oj sc'atinic c'ahc' tey a, como ay sic. Soc tey nix teq'uel ta c'atimal a te Pedro.

Nuevo Testamento Tzeltal de Amatenango

¹⁸ Kom beno sik te jmantaletike sok te polisiaetike stsunoj skꞌajkꞌik y yipalik ta kꞌatimal. Te jPedroe te tekꞌel ekꞌa, sjoyinlanej ta kꞌatimal.

Bible in Tzeltal de Oxchuc y Tenejapa

¹⁸ Te bit'il ay bayal te sique, te abatetique soc te policiaetique teq'uelic ta sc'atinel te c'ajq'ue. Tey teq'uel ta sc'atinel c'ajc' uuc te Pedroe.

San Juan 18:18 ပူးပေါင်းရင်းမြစ်များ

Génesis 49:6

Ma x'ochon ta banti ya schap sc'opic, soc ma ba ya joquin jba soc c'alal ya stsob sbahic, como ta scuenta yilimbahic la smilic winiquetic soc ta scuenta sbohlil yo'tanic la sbojticlambeyic schihal yacan torohetic.

1 Reyes 19:9

Tey och bahel a ta ch'en te banti c'ax ahc'abal yu'un. C'oponot yu'un te Jehová, hich halbot: ¿Bin yac apas li'i, Elías? xchi sc'oblal.

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

San Marcos 14:54

Te Pedro namts'ac st'unoj bahel te Jesús c'alal ta yutil yamaq'uil sna te muc'ul sacerdote; tey c'oht shuhcan sba ta c'atimal soc te jcananetique.

San Marcos 14:67

la yil te tey ay a te Pedro, yac ta c'atimal, chamen la yil, hich la yalbe: Ha'at ajoquinej te Jesús talem ta Nazaret, xchi.

San Lucas 22:44

Te bin ut'il bayel yac ta wocol, la yac' xan fuersa ta sc'oponel Dios, sjel ta ch'ich' xt'uhlajan cohel schic' ta lum.

San Juan 18:25

Teq'uel ta c'atimal a te Pedro, hich joc'obot: ¿Ma bal ha'ucat te jnopojelat yu'un? xchi sc'oblal. Ma ho'ucon, xchi te Pedro.

San Juan 18:3

Ha yu'un te Judas la yic' bahel soldadohetic soc policiahetic yu'un te principal sacerdotehetic soc yu'un te fariseohetic, tey bahtic soc a, stuchticlanejic sc'ahq'uic soc chapalic ta a'tejibaletic.

San Juan 21:9

C'alal c'ohtic ta ti'ha', la yilic tey tsajuben ac'al a soc tey cajal jcoht chay a, soc ay pan.

Hechos 4:23

C'alal colic te Pedro soc Juan, baht sc'oponic te mach'atic ay yu'unic, la smelbe ya'iyic spisil te bintic halbotic yu'un te principal sacerdotehetic soc te mamaletique.

1 Corintios 15:33

Ma me xhowiyex; yu'un ay hich ya yich' halel: Te mach'atic chopolic te ya sjoquinotic, ha ya sjimbotic te lequil costumbrehetic cu'untic, xchi.