San Juan 18:1 - Bible in Tzeltal Bachajón

¹ Te Jesús, c'alal laj yo'tan ta yalel a ini, loc' bahel soc te jnopojeletic yu'un, bahtic ta jehch uc'um Cedrón ta banti ay awal-ts'unubil, tey och soc a te jnopojeletic yu'une.

Nuevo Testamento Tzeltal de Amatenango

¹ Kꞌalal laj yoꞌtan ta yalel to, te Jesuse lokꞌ bael sok te jnopojeletik yuꞌune. Bajtik ta jejch ukꞌum Cedron te ba ay jun chꞌin huertae. Teꞌ och bael a te Jesuse sok te jnopojeletik yuꞌune.

Bible in Tzeltal de Oxchuc y Tenejapa

¹ C'alal laj yo'tan ta yalel in to te Jesuse, loc' bael soc te jnopojeletic yu'une. Bajt'ic ta bay jejch' beja' Cedrón ta bay te awal-ts'unubiltique. Tey och bael a te Jesuse soc te jnopojeletic yu'une.

San Juan 18:1 ပူးပေါင်းရင်းမြစ်များ

Génesis 2:15

Te Jehová Dios la yac' te winic ta yohlil te ts'umbil q'uinal Edén scuenta yu'un ya schahpan te lumq'uinal soc ya scanantay.

Génesis 3:23

Ha yu'un te Jehová la sloq'ues ta ts'umbil q'uinal Edén yu'un ya schahpan te lumq'uinal te ha nix yich'oj pasel a.

2 Samuel 15:23

Spisil te pueblo tulan oq'uic. C'axic bahel spisilic ta uc'um Cedrón. Ha nix hich c'ax bahel te ajwalil. Spisil te pueblo behenic bahel ta sbehlal jochol taquin q'uinal.

1 Reyes 15:13

Soc la sloq'ues ta snan-ajwalil te Maaca te schuchu'me'el, yu'un spasoj sloc'omba Asera. Te Asa la sts'et te loc'omba pasbil yu'un te schuchu'me'el, la schic' ta uc'um Cedrón.

1 Reyes 2:37

como te bin c'ahc'alil ya xloc'at bahel, te ya sohlat bahel ta jehch uc'um Cedrón, ya me xlajat. Ha'at nix yac amulin te ach'ich'el, xchi.

2 Reyes 23:12

Soc te ajwalil la sjin te scajtajib ta chiq'uel mahtaniletic te la spasic te ajwaliletic yu'un Judá ta stoyolil stsalul na yu'un Acaz; soc te scajtajib ta chiq'uel mahtaniletic te la spas Manasés ta schebal te amaq'uiletic ta sna Jehová, la swuyticlan soc la sch'oj ochel ta sjuclej Cedrón te sts'ubile.

2 Reyes 23:4

Te ajwalil la spas ta mandar te muc'ul sacerdote Hilcías, te scha'chahpal sacerdotehetic, soc te jcanan-ochibaletic te ya me sloq'uesic ta templo yu'un Jehová spisil te bintic la yich' tuhunel ta stojol Baal, Asera soc spisil te bintic ayic ta ch'ulchan. La schic'ticlan ta fuera yu'un Jerusalén ta aquiltic ta sjuclej Cedrón, soc la ya'be yich' bahel te stanul ta Bet-el.

2 Reyes 23:6

Soc la sloq'uesbe te sloc'omba Asera ta sna Jehová, la schic' ta fuera ta Jerusalén, ta sjuclej Cedrón, la sutp'in ta tan, la slihlin ta sba te muquenaletic yu'un te yajwal te pueblohe.

2 Crónicas 15:16

Soc te ajwalil Asa la sloq'ues ta ya'tel ta snan-ajwalil te Maaca te snane, como spasoj sloc'omba Asera. La sjimbe te sloc'omba, la swuyticlan soc la schic' ta be-ha' Cedrón.

2 Crónicas 29:16

Te c'alal ochic bahel te sacerdotehetic ta yutil te sna Jehová ta slecubtesel, la sloq'uesic ta yamaq'uil te sna Jehová spisil bintic bohloben sc'oblal ta templo yu'un Jehová. Te levitahetic la yich'ic bahel ta uc'um Cedrón.

2 Crónicas 30:14

La sloq'uesic te scajtajib ta chiq'uel mahtaniletic te ayic ta Jerusalén, soc la sloq'uesic spisil te scajtajib ta chiq'uel pom, la sch'ojic bahel ta uc'um Cedrón.

Nehemías 2:15

Hich mohon bahel ta uc'um ta ahc'abal soc la jtsahtay quil te ts'ahque, patil suhton tal, cha'ochon xan bahel ta Puerta yu'un Spamlej.

Jeremías 31:40

Spisil te sjuclej yu'un chamen baq'uetetic soc yu'un tan, soc spisil te q'uinal c'alal ta sba be-ha' yu'un Cedrón, c'alal ta xuhc ta ochibal yu'un Cawuhetic ta stojol banti ya xloc' tal c'ahc'al, ha ch'ultesbil ta stojol Jehová. Mayuc bin ora ya yich'ix xan bulel soc jinel, xchi.

Levítico 2:6

Yac axet'iclan soc yac amalbe aceite. Ha mahtanil harina.

San Mateo 26:30

C'alal laj yo'tanic ta c'ayoj, bahtic ta wits yu'un Olivohetic.

San Mateo 26:36

C'oht Jesús soc te jnopojeletic yu'un ta jun lugar Getsemaní sbihil, hich la yalbe te jnopojeletic yu'une: Huhcana abahic li'i, te ho'on ya xbaht jc'opon Dios lum ta ine, xchi.

San Marcos 14:26

C'alal laj yo'tanic ta sc'ayojtayel sc'ayoj Dios a, loq'uic bahel, bahtic ta Wits yu'un Olivohetic.

San Marcos 14:32

C'ohtic ta jun lugar, Getsemaní sbihil, hich la yalbe te jnopojeletic yu'une: Huhcana abahic li'i, yu'un ya xbaht jc'opon Dios, xchi.

San Marcos 14:42

Hahchanic, conic; ilawilic, talix te mach'a ya yac'on ta c'abal, xchi.

San Juan 14:31

pero ya jpas te bin la spason tal ta mandar te Tatil scuenta yu'un ya sna'ic te mach'atic ayic ta bahlumilal te c'ux ta co'tan te Tatile. Hahchanic, ya xbohotiquix.

San Juan 18:26

Ay jtuhl ya'bat te muc'ul sacerdote, ha yermano sba soc te mach'a bojbot loq'uel schiquin yu'un te Pedro, hich la yal: ¿Ma bal lajuc quilat te ajoc ta awal-ts'unubil? xchi.

Hechos 21:11

C'alal la yilotcotic, la yich'be schuhquil sch'uht te Pablo, la schucticlan yoc sc'ab a, hich la yal: Hich ya yal te Ch'ul Espíritu: Hich ya xc'oht ta chuquel yu'un judíohetic ta Jerusalén te yajwal ha'i chuquilch'uhtul ini, soc ya me ya'beyic ta sc'ab jyanlumetic, xchi.