San Juan 17:15 - Bible in Tzeltal Bachajón

¹⁵ Ma ha'uc ya calbat wocol yu'un te yac aloq'ueslan ta bahlumilal, pero te yacuc acanantay yu'un ma ba ya xtahotic yu'un te bin chopole.

Nuevo Testamento Tzeltal de Amatenango

¹⁵ Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

Bible in Tzeltal de Oxchuc y Tenejapa

¹⁵ Ma ja'uc ya calbat wocol yu'un te ya aloq'uesbon ta balumilale; ja' ya jc'anbat te ma xawac' a te bila amene.

San Juan 17:15 ပူးပေါင်းရင်းမြစ်များ

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

1 Crónicas 4:10

Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

Salmos 121:7

Te Jehová ya scanantayat ta spisil bintic chopol, ha ya scanantaybat ach'uhlel.

Salmos 30:9

¿Bin ay ta tahel teme lajone, teme ya xcohon bahel ta muquenale? ¿Ya bal yalbat yutsil ac'oblal te ts'u'lum? ¿Ya bal yalbe sc'oblal te stalel jun awo'tan ta jtojolcotic?

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Isaías 57:1

Ya xlaj te mach'a toj yo'tan, pero mayuc mach'a ay ta cuenta yu'un. Ya xlajic te mach'atic jun yo'tanic ta stojol Dios, pero mayuc mach'a c'ohem ta yo'tan te ta scaj te bin chopol ya yich' loq'uesel te mach'a toj yo'tan.

San Mateo 5:37

Pero hich me ya xc'opojex: Hich, teme hiche, o: Ma'uc, teme ma'uque, como teme c'ax hich ya xc'opojat ini, ma lecuc banti ya xloc' tal te c'ope.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

San Lucas 11:4

Pasbotcotic perdón yu'un jmulcotic, como hich nix ya jpasbecotic perdón te mach'atic ay smul ta jtojolcotic. Soc ma me xawac'otcotic ta sujel ta mulil, ac'awotcotic ta libre yu'un te bin chopole, xchi te Jesús.

San Lucas 22:32

pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

Gálatas 1:4

te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

2 Tesalonicenses 3:3

Pero stalel jun yo'tan ta jtojoltic te Cajwaltic, ya me ya'beyex yip awo'tanic soc ya me scanantayex yu'un te bin chopole.

2 Timoteo 4:8

Ta ora ini q'uejbilix ta jtojol te corona yu'un toj-o'tanil te ya ya'bon te Cajwaltic, te stojil Jchahpanwanej, ta sc'ahc'alel. Ma jtuqueluc nax, ha nix hich ya ya'be spisil te mach'atic toyol yo'tanic yac smahliybelic ya xtal te Cajwaltique.

1 Juan 5:18

Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.