San Juan 17:13 - Bible in Tzeltal Bachajón

¹³ Ya xbohonix ta atojol; pero ya cal hilel li' ta bahlumilal ha'i c'op ini scuenta yu'un ts'acal ya yich'bonic te stse'elil co'tan.

Nuevo Testamento Tzeltal de Amatenango

¹³ “Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

Bible in Tzeltal de Oxchuc y Tenejapa

¹³ “Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

San Juan 17:13 ပူးပေါင်းရင်းမြစ်များ

Nehemías 8:10

Patil la yalbeyic: Bahanic, we'anic lequil we'elil, uch'anic chi'il vino soc ticombeya swe'el te mach'atic mayuc bin chahpambil yu'unic; como ha ch'ul c'ahc'al yu'un te Cajwaltique. Ma me xamel awo'tanic, como ha awipic te stse'elil yo'tan te Jehová, xchi.

Salmos 126:5

Te mach'atic yaquic ta oq'uel a ya sts'umbajic, soc yutsil yo'tanic a ya stsobeyic te site.

Salmos 43:4

Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Juan 15:11

Ha la jcalbeyex ini scuenta yu'un hich yac awich'bonic te yutsil co'tan, soc ts'acal ya xc'oht a te yutsil awo'tanic.

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

San Juan 3:29

Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

San Juan 7:33

La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

Hechos 13:52

Te jnopojeletic mero tse'el yo'tanic soc nojel ta yo'tanic te Ch'ul Espíritu.

Romanos 14:17

como te cuentahinel yu'un Dios ma ha'uc we'el uch'el, ha te bin toj ta pasel, lamal q'uinal soc tse'el-o'tanil ta scuenta te Ch'ul Espíritu,

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

1 Juan 1:4

Ha ya jts'ihbabeyex ini scuenta yu'un ts'acal ya xc'oht a te stse'elil awo'tanique.

2 Juan 1:12

Ay bayel bin ya jc'an ya jts'ihbabeyex, pero ma jc'an ya jpas ta hun soc ta tinta, como co'tanuc ya xtal jc'oponex soc ya quilbe jba sitic scuenta yu'un ts'acal ya xc'oht te stse'elil co'tantique.