San Juan 17:1 - Bible in Tzeltal Bachajón

¹ C'alal hich laj yalbel Jesús, la shach mohel sit ta ch'ulchan, hich la yal: Jtat, c'ohtix yorahil: ac'a ta ich'el ta muc' te Anich'an scuenta yu'un hich ya yac'at ta ich'el ta muc' a te Anich'ane,

Nuevo Testamento Tzeltal de Amatenango

¹ Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

Bible in Tzeltal de Oxchuc y Tenejapa

¹ C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 17:1 ပူးပေါင်းရင်းမြစ်များ

Salmos 123:1

Ya quilat mohel, ha'at te nahinemat ta ch'ulchan.

Isaías 38:14

Ya x'oc'on hich te bin ut'il grulla o ulich, ya x'ahcanajon hich te bin ut'il stsuhmut. Ya xluhb jsit ta yilel te ch'ulchane. Jehová, ayon ta uts'inel, coltayawon.

San Marcos 14:41

C'alal suht xan tal ta yoxebal buelta, hich la yalbe: ¡Wayaniquix, cuxa awo'tanic! ¡Tiq'uix a, c'ohtix yorahil! Ilawilic, te Nich'anil ay ta scuenta winic ac'otix ta sc'ab jmulawiletic.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Juan 11:4

C'alal la ya'iy te Jesús, hich la yal: Te chamel yich'oj, ma yu'unuc ya xcham yu'un, ha ya x'ich'ot ta muc' a te Diose, scuenta yu'un ha ya x'ich'ot ta muc' a te Snich'an Dios, xchi.

San Juan 11:41

Hich la sloq'uesic te ton ta banti yac'ojic hilel te chamen winique. Te Jesús la shach mohel sit ta toyol, hich la yal: Jtat, wocol awal te la awa'iybon te jc'ope.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 13:1

Ma to sta yorahil Q'uin Pascua a, te Jesús sna'oj te c'ohtix yorahil te ya yihquitayix hilel te bahlumilal soc te ya xbahtix ta stojol te Tatile. C'ux la ya'iy ta yo'tan te mach'atic ay yu'un ta bahlumilal, c'ux la ya'iy ta yo'tan ha to c'alal ta slajibal.

San Juan 16:32

Ya me sta yorahil, soc yorahilix ini, te ya xpuhquex bahel jujutuhlex, jtuquel ya xhilon awu'unic; pero ma jtuqueluc ayon como sjoquinejon te Tatile.

San Juan 7:30

Ha yu'un c'an stsaquic, pero mayuc mach'a la stsac, como ma to stahoj yorahil yu'un a.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

San Juan 8:20

Ay ta banti ya yich' tsobel smahtan Dios a te hich la yal te Jesús, te c'alal yac ta p'ijubteswanej ta Templo a. Mayuc mach'a tsacot yu'un, como ma to ba stahoj yorahil yu'un a.

Hechos 3:13

Ha nix te Dios yu'un Abraham, Isaac, Jacob, soc te Dios yu'un te jme'jtatic, la yac' ta ich'el ta muc' te Snich'an, ha te Jesús, ha nix te mach'a la awaq'uic ta c'abal soc te la amuc ta awo'tanic ta stojol Pilato te c'alal c'an scoltay bahel stuquel.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.