San Juan 16:32 - Bible in Tzeltal Bachajón

³² Ya me sta yorahil, soc yorahilix ini, te ya xpuhquex bahel jujutuhlex, jtuquel ya xhilon awu'unic; pero ma jtuqueluc ayon como sjoquinejon te Tatile.

Nuevo Testamento Tzeltal de Amatenango

³² Yuꞌun ya kalbeyex te ya staix yorail, y yorailix te ora to, kꞌalal te jaꞌexe ya xpujkejex bael ta juju-tul y ya ajilesikon ta jtukel nax. Pero ma wololukon, porke te Tatile sjoyinejon.

Bible in Tzeltal de Oxchuc y Tenejapa

³² Ya calbeyex te ya staix yorail soc ja' yorailix in to te ya xpujq'uex bael ta anel ta anaic juju-jtule, soc ya awijq'uitayonic jilel jtuquel. Ja'uc me to, ma jtuqueluc ya xjilon, melel sjoinejon te Jtate.

San Juan 16:32 ပူးပေါင်းရင်းမြစ်များ

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

San Mateo 26:31

Hich la yal te Jesús: Yo'tic ta ahc'abal apisilic ya xjihn awo'tanic ta jtojol, como hich ts'ihbabil: Ya quehchentes te jcanan-tuminchij, hich ya xpuhc bahel te tuminchijetic, te xchihe.

San Mateo 26:56

Pero ya xc'oht spisil ini scuenta yu'un ya xc'oht ta pasel te bin ts'ihbabil hilel yu'un te jalwanejetique, xchi. Hich spisil te jnopojeletic la yihquitayic, loq'uic ta ahnel.

San Marcos 14:27

Hich halbotic yu'un te Jesús: Yo'tic ta ahc'abal ya xpehc'aj awo'tanic ta jtojol ta apisilic, como hich ts'ihbabil hilel: Ya quehchentes te jcanan-tuminchij, ya xpuhquic bahel ta ahnel te tuminchijetique, xchi.

San Marcos 14:50

Ha yu'un spisil te jnopojeletic la yihquitayic hilel, loq'uic ta ahnel.

San Juan 12:23

La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

San Juan 16:2

Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

San Juan 16:25

Ta seña-c'op nax la jc'oponex, pero ya sta yorahil te ma ta seña-c'opuc ya jc'oponex, pero jamal ya calbeyex bin ut'il ay te Tatile.

San Juan 16:31

La sjac' te Jesús: ¿La bal ach'uhuniquix?

San Juan 19:27

soc la yalbe te jnopojele: Tey ay te anane, xchi. Tey ora te jnopojel la yic' sjoquin ta nahinel.

San Juan 20:10

Te jnopojeletic suhtic bahel ta snahic.

San Juan 4:21

Halbot yu'un te Jesús: Ants, ch'uhuna te ya me sta yorahil te ma li'uc ta wits ini o ta Jerusalén te yac awich'ic ta muc' te Tatile.

San Juan 4:23

Pero ya me sta yorahil, soc yorahilix ini, te mach'atic smelelil ya yich'ic ta muc', ya me yich'ic ta muc' te Tatil ta scuenta espíritu soc ta scuenta smelelil, como te Tatil yac slehbel te mach'atic hich ya x'ich'ot ta muc' yu'une.

San Juan 5:25

Tulan sc'oblal ya calbeyex te ya me sta yorahil, soc yorahilix ini, te mach'atic chamenic ya me ya'iybeyic sc'op te Snich'an Dios, soc te mach'a ya ya'iyic, ya me xcuxajic.

San Juan 5:28

Ma me xchamuc awo'tanic yu'un, como ya me sta yorahil te spisil mach'atic ayic ta muquenal ya me ya'iybeyic sc'op

San Juan 8:16

Pero teme ya quilbe ya'tel, stojil me ya jchahpan, como ma jtuquel-o'tanuc ya jpas, ha nix joc te mach'a la sticonon tal, ha te Tatile.

San Juan 8:29

Como sjoquinejon te mach'a la sticonon tale; ma ba spihtesejon te Tatil, como spisil ora ya jpas te bin lec yo'tan yu'un stuquel, xchi.

Hechos 21:6

La jpet-mey jbahcotic soc te yantique, ochotcotic ta barco, hich suhtic bahel ta snahic stuquelic.

Hechos 8:1

Te Saulo lec la ya'iy te la yich' milel te Esteban. Ta hich ora hahch bayel uts'inel ta stojol te iglesia te ay ta Jerusalén; spisilic puhquic bahel ta sq'uinal Judea soc Samaria, stuquel xanix hil te jpuc-c'opetique.