San Juan 16:21 - Bible in Tzeltal Bachajón

²¹ C'alal ya x'ayin yal te ants, ay sc'uxul, como la stahix yorahil; pero te c'alal ayinix a te alale, ma ba ya sna'ix te swocole, como tse'el yo'tan yu'un te ayinix ta bahlumilal jtuhl alal.

Nuevo Testamento Tzeltal de Amatenango

²¹ Jich tutꞌil jtul ants te kꞌalal ya xpajtix yoꞌtane. Bayal ya yakꞌ yajtal yoꞌtan yuꞌun te ya xkꞌotix skꞌaalel te ya xpajt yoꞌtane. Pero ta patil te kꞌalal ayinemix a te xchꞌin yale, makꞌ snaꞌix a te swokole, yuꞌun ben sniꞌ xyaꞌi te julemix ta balmilal te xchꞌin kereme.

Bible in Tzeltal de Oxchuc y Tenejapa

²¹ Jich bit'il jtul ants te yorailix ya x'alaje. Bayal ya smel yo'tan yu'un te jajch'ix xc'uxul te swocole, melel la staix yorail. Ja'uc me to, c'alal ayinemix a te yale, ma ba ya sna'ix xan xc'uxul te swocole, yu'un bujts'najix yo'tan yu'un te ayinemix squerem-ale.

San Juan 16:21 ပူးပေါင်းရင်းမြစ်များ

Génesis 3:16

Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

Job 11:16

Ya me ach'ay ta awo'tan te awocole, yac ana' awocol hich te bin ut'il ha' te c'axem bahele.

Salmos 113:9

Ya yac' te ya xnahin ta sna te jma'al, soc te tse'el yo'tan te ay yalatac. ¡Aleluya!

Isaías 13:8

Bayel me ya xiwic, ya xcuentahinotic yu'un wocol soc sc'uxul; hich sc'uxul te bin ut'il ya x'ayin yal te antse. Xcham yo'tanic jujutuhl te c'alal te ya yil sbahic, stsacoj c'ahc' te sit yelawic.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

Isaías 66:7

¡Ma to xhahch sc'uxul a, ayin yal; ma to xhahch sc'uxul a la yayintes querem!

Miqueas 4:10

Ahcanajan soc awonan, yantsil-nich'an Sión, hich te bin ut'il ants te ya x'ayin yal, como ya xloc'atix bahel ta pueblo, ya xnahinat ta q'uinal; ya xc'ohat c'alal ta Babilonia, tey ya xcolat ta libre a; te Jehová tey ya scoltayat loq'uel a ta sc'ab te acontrataque.

Miqueas 4:9

Yo'tic, ¿bin yu'un hich ya x'awonat? ¿Yu'un bal mayuc ajwalil awu'un? ¿Yu'un bal ch'ay bahel te j'ac'-o'tanil awu'un, te hich ya ya'bat sc'uxul hich te bin ut'il ants te ya x'ayin yal?

Gálatas 4:27

como hich ts'ihbabil: ¡Tse'eluc me awo'tan, ha'at jma'alat te ma ba alajemat; awonan soc yutsil awo'tan, ha'at te ma ba yac awa'iybe sc'uxul alajel! como c'ax hich ay yalatac a te ants te ihquitaybil te bin ut'il te ants te ay smamalal, xchi.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.