San Juan 16:2 - Bible in Tzeltal Bachajón

² Ya me stenex loq'uel ta sinagogahetic; soc ya me sta yorahil te ya scuyic te yac spasbelic ya'tel Dios te mach'atic ya smilex.

Nuevo Testamento Tzeltal de Amatenango

² Ya me stenelex lokꞌel ta sinagoga, y ya me sta yorail te machꞌauk ya smilexe, yuꞌun skuyojik te jaꞌ yaꞌtel Dios te ya spasike.

Bible in Tzeltal de Oxchuc y Tenejapa

² Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Juan 16:2 ပူးပေါင်းရင်းမြစ်များ

Isaías 65:5

hich ya yalic: Hilan tey a, ma me xnohpojat tal, como c'ax hich ch'ultesbilon a te bin ut'il te ha'ate, xchihic. Te ants-winiquetic ini ha ch'ahil ta jni', ha c'ahc' te ya xtihl sjunal c'ahc'al.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

Daniel 11:33

Te mach'atic yu'un te pueblo te ay sp'ijilic ya me snohpteslan tsobolic; pero mayuc bayel c'ahc'al ya xlajic ta espada soc ta c'ahc', ya xchucotic soc ya xpojbotic sbiluquic.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

San Juan 12:42

Pero ay tsobolic te la sch'uhunic, soc nix te mach'atic ay ya'telic ta stojol te pueblo, pero ma ba la yalic ta jamal, como la xi'ic te fariseohetic, scuenta yu'un ma ba ya yich'ic loq'uesel ta sinagoga.

San Juan 16:25

Ta seña-c'op nax la jc'oponex, pero ya sta yorahil te ma ta seña-c'opuc ya jc'oponex, pero jamal ya calbeyex bin ut'il ay te Tatile.

San Juan 16:32

Ya me sta yorahil, soc yorahilix ini, te ya xpuhquex bahel jujutuhlex, jtuquel ya xhilon awu'unic; pero ma jtuqueluc ayon como sjoquinejon te Tatile.

San Juan 4:21

Halbot yu'un te Jesús: Ants, ch'uhuna te ya me sta yorahil te ma li'uc ta wits ini o ta Jerusalén te yac awich'ic ta muc' te Tatile.

San Juan 4:23

Pero ya me sta yorahil, soc yorahilix ini, te mach'atic smelelil ya yich'ic ta muc', ya me yich'ic ta muc' te Tatil ta scuenta espíritu soc ta scuenta smelelil, como te Tatil yac slehbel te mach'atic hich ya x'ich'ot ta muc' yu'une.

San Juan 9:22

Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

San Juan 9:34

La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

Hechos 5:33

C'alal hich la ya'iyic, bayel ilinic yu'un soc c'an smilic te jpuc-c'opetique.

Hechos 7:56

hich la yal: Ilawil, jamal ya quil te ch'ulchan soc teq'uel ta swa'el-c'ab Dios te Nich'anil ay ta scuenta winic, xchi.

1 Corintios 4:13

Ya sjin jc'oblalcotic, pero lec ya jc'oponcotic; c'alal ora hich c'ohemotcotic te bin ut'il c'a'pal yu'un te bahlumilal, jch'aybilotcotic yu'un spisilic.

Filipenses 3:6

ta scuenta te xut'et co'tan, la jcuts'in te iglesia; ta scuenta te toj co'tan yu'un spasel bin ya yal te Ley, mayuc falta cu'un.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Jueces 6:30

Loq'uesa tal te anich'an yu'un ya jmilcotic, como la sjimbe te scajtajib ta chiq'uel mahtanil yu'un Baal soc la sts'et te sloc'omba Asera te nopol ay tey a, xchihic.