San Juan 16:17 - Bible in Tzeltal Bachajón

¹⁷ Ha yu'un cha'oxtuhl te jnopojeletic yu'un talel c'axel la sjoc'obe sbahic: ¿Bin yu'un te hich ya yalbotic: Li' ta jts'ihn ma ba yac awilonic, pero jts'ihn xan ta patil yac awilonic, te xchihe, soc te ya yal: Yu'un ya xbohon ta stojol te Tatile? xchihic.

Nuevo Testamento Tzeltal de Amatenango

¹⁷ Jich a lijk sjojkꞌobe sbaik te jnopojeletik yuꞌune: —¿Tut xyal tsꞌin to te ya yalbotik te liꞌ xanix ta jtsꞌin te makꞌ kilbetikix site, sok te ta patil ya kilbetik xan site, sok te la yal te ya xbajt te ba ay te jTatile?

Bible in Tzeltal de Oxchuc y Tenejapa

¹⁷ Jich yu'un ay la yalbey sbaic te jnopojeletic yu'une: —¿Bit'il ay a te la yalbotic te ma ba ya quilbeytiquix site soc li' xan ta ajc' ya quilbeytic xan te site, soc te la yal te ya xbajt' ta bay te State?

San Juan 16:17 ပူးပေါင်းရင်းမြစ်များ

San Marcos 9:10

Ha yu'un la smuc ta yo'tanic te bin halbotic yu'une. Talel c'axel la yalbe sbahic bin ut'il ay a te ya xcha'cuxaj tal ta yohlil chamen winiquetic.

San Marcos 9:32

Pero ma ba la sna'beyic scuentahil te bin halbotic, soc la xi'ic sjoc'obeyel.

San Lucas 18:34

Pero te jnopojeletic ma la sna'beyic scuentahil, macal yo'tanic, ma ba c'oht ta yo'tanic te bin halbotic yu'une.

San Lucas 9:45

Pero ma ba c'oht ta yo'tanic te bin la yal, como macbil to yo'tanic scuenta yu'un ma ba ya sna'beyic scuentahil te bin la yal; soc la xi'ic sjoc'obeyel bin ut'il ay te c'ope.

San Juan 12:16

Te jnopojeletic yu'un ma ba la sna'beyic scuentahil ta ora te bin c'oht ta pasel, pero te c'alal ac'ot ta ich'el ta muc' a te Jesús, la sna'ic te hich nix ts'ihbabil sc'oblal a soc te hich pasbot yu'unique.

San Juan 14:22

La yal te Judas, (ma ha'uc te Iscariote): Cajwal, ¿bin yu'un te ho'otcotic nax yac awac' jna'batcotic aba, te ma ha'uc yac awac' aba ta na'el yu'un te mach'atic ayic ta bahlumilal? xchi.

San Juan 14:5

La yal te Tomás: Cajwal, ma ba jna'ojcotic banti ya xbahat; ¿bin ut'il c'an jna'becotic sbehlal? xchi.

San Juan 16:1

La jcalbeyex ini scuenta yu'un ma ba ya xchebaj awo'tanic ta jtojol a.

San Juan 16:16

Li' ta jts'ihn ma ba yac awilonic, pero jts'ihn xan ta patil yac awilonic, xchi te Jesús.

San Juan 16:18

Hich la yalic xan: ¿Bin a te hich la yal: Li' ta jts'ihn, te xchihe? Ma jna'betic scuentahil te bin ya yal, xchihic.

San Juan 16:19

La sna' te Jesús te yo'tanuc ya sjoc'obeyic, ha yu'un la yalbe: ¿Ha bal talel c'axel yac ajoc'obe abahic yu'un te hich la jcal: Li' ta jts'ihn ma ba yac awilonic, soc jts'ihn xan ta patil ya me awilonic, te xchihone?

San Juan 16:5

Yo'tic ya xbohon ta stojol te mach'a la sticonon tal, pero te ha'ex mayuc mach'a ya sjoc'obon: ¿Banti ya xbahat? ma xchihuc.