San Juan 16:14 - Bible in Tzeltal Bachajón

¹⁴ Ha me ya yac'on ta ich'el ta muc', como ya yich' te bin ay cu'un, ha ya ya'beyex ana'ic.

Nuevo Testamento Tzeltal de Amatenango

¹⁴ Jaꞌ me ya yaꞌbon ta ilel te jlekilale, yuꞌun jaꞌ me ya xkꞌot ta skuenta yalel te tut ya jkꞌan ya kale.

Bible in Tzeltal de Oxchuc y Tenejapa

¹⁴ Ja' me ya yac'bon ta ilel te cutsilale, yu'un ja' me ya xc'ot swenta yalel te bila ya jc'an te ya cale, ja' me ya yac'beyex ana'ic.

San Juan 16:14 ပူးပေါင်းရင်းမြစ်များ

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Juan 15:26

Pero te c'alal ya xtal te Joquinwanej, ha te ya jticombeyex tal ta stojol te Tatil, ha te Espíritu yu'un te bin smelelil te ya xloc' tal ta stojol te Tatile, ha me ya yalbon jc'oblal.

San Juan 7:39

Ha la yalbe sc'oblal te Espíritu te ya x'a'botic te mach'atic ya sch'uhunique. Como ma to ba talem a te Ch'ul Espíritu, yu'un ma to ba ac'ot ta ich'el ta muc' a te Jesuse.

1 Corintios 12:3

Ha yu'un ya ca'beyex ana'ic te mayuc mach'a te ya xc'opoj ta scuenta te Espíritu yu'un Dios te ya yal: Bohlobuc sc'oblal Jesús, soc mayuc mach'a ya xhu' ya yal: Ha Ajwalil te Jesús, te xchihe, te ma ha'uc ya yal ta scuenta te Ch'ul Espíritu.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

Gálatas 5:5

Yan te ho'otcotic, ta scuenta te Espíritu yacotcotic ta smahliyel ta scuenta sch'uhunel co'tancotic te bin smuc'ulinej co'tancotic, ha te toj ya x'ilototcotic yu'un Dios,

1 Pedro 2:7

Te ha'ex te ach'uhunejic, ha bayel sc'oblal ta awo'tanic te tone; yan te mach'atic ma ba ya sch'uhunic: Te ton te p'ajbil yu'un te jpas-nahetic, ha sjol c'oht te yich'o-ip te xuhc nahe, xchi,

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

1 Juan 5:6

Ha te Jesucristo te tal ta scuenta ha' soc ch'ich'. Ma ha'uc nax ta scuenta ha', ta scuenta ha' soc ch'ich'. Soc ha te Espíritu te ya yal ta testigo, como te Espíritu ha te bin smelelile.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)