San Juan 15:8 - Bible in Tzeltal Bachajón

⁸ Ha ya x'ich'ot ta muc' Jtat yu'un teme bayel ya sitinex, hich ya xchicnaj a te ha jnopojelex cu'un.

Nuevo Testamento Tzeltal de Amatenango

⁸ Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Bible in Tzeltal de Oxchuc y Tenejapa

⁸ Jich ya xchicnaj yutsilal te Jtate teme bayal ya sitinexe. Jich me jnopojelex cu'un ta melel abi.

San Juan 15:8 ပူးပေါင်းရင်းမြစ်များ

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Hageo 1:8

Mohanic bahel ta wits, ich'ahic tal te' tey a, cha'pasahic xan te Na, hich tse'el co'tan ta stojol te Na soc hich ya x'ich'oton ta muc' a, xchi te Jehová.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Mateo 9:8

C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Juan 13:35

Hich ya sna'ic spisil ants-winiquetic te ha'ex jnopojelex cu'un teme talel c'axel c'ux yac awa'iy aba ta awo'tanique, xchi.

San Juan 15:5

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

San Juan 8:31

Te Jesús la yalbe te judíohetic te ch'uhunot yu'une: Teme jun awo'tanic ya x'ayinex ta stojol te jc'ope, mero jnopojelex cu'un ya xc'ohex;

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

1 Corintios 6:20

como ay atojolic mambilex; ha yu'un ac'ahic ta ich'el ta muc' Dios soc abaq'uetalic soc ach'uhlelic, como yu'un Dios ta schebal.

Filipenses 1:11

te nojelex ta sit yu'un te bintic stojil ta pasel te ya xtal ta scuenta Jesucristo, scuenta yutsilal soc yalbeyel yutsil sc'oblal te Diose.

Tito 2:10

Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Tito 2:5

te yacuc stsahtay sbahic, te sacuc yo'tanic, yacuc yo'tantayic ya'tel ta snahic, lecuc yo'tanic, te yacuc yac' sbahic ta cuentahinel yu'un te smamalalic, scuenta yu'un hich ma xbohlob sc'oblal a te sc'op Diose.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.