San Juan 15:7 - Bible in Tzeltal Bachajón

⁷ Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

Nuevo Testamento Tzeltal de Amatenango

⁷ “Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

Bible in Tzeltal de Oxchuc y Tenejapa

⁷ “Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 15:7 ပူးပေါင်းရင်းမြစ်များ

1 Reyes 3:5

Ay jun ahc'abal ta Gabaón te chicnaj Jehová ta stojol Salomón ta swayich, hich halbot yu'un: C'ambon te bin yac ac'an, ho'on ya ca'bat, xchi sc'oblal.

Job 22:26

Hich yac amulan a te Mach'a ya xhu' yu'un soc yac ahach asit ta stojol Dios.

Job 23:12

Mayuc bin ora la jquihquitay jba ta stojol te mandariletic te yaloje, la jq'uej ta co'tan te bintic yaloj.

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Salmos 37:4

Ac'a smulan awo'tan te Jehová, hich ya ya'bat te bintic ya sc'an te awo'tane.

Proverbios 10:24

Te bin ya xi' te mach'a chopol yo'tan ya me xc'oht ta stojol, yan te mach'atic toj yo'tanic, ya me x'a'botic te bin ya sc'an yo'tanic.

Proverbios 4:4

te jtat la sp'ijubteson, hich la yalbon: Ac'a ta awo'tan te bintic ya calbat; ch'uhuna te mandariletic cu'un, hich me ya xcuxajat a.

Isaías 58:8

Hich me ya xtihl te sacal q'uinal awu'un te bin ut'il ya sacub tal te q'uinale, soc ora ya xchicnaj te lecubtesel awu'une; ya xnahilij bahel ta atojol te bin stojil ta pasel awu'un, soc te yutsilal te Jehová ya scanantayat ta apat.

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

San Mateo 7:7

C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

San Juan 14:13

Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

San Juan 15:16

Ma ha'uquex la atsahonic, ho'on la jtsahex soc la jcaq'uex yu'un ya xbahex soc ya sitinex, soc te sit yac awaq'uic ma ba ya xch'ay; scuenta yu'un spisil te bin yac ac'ambeyic te Tatil ta scuenta jbihil, ya me ya'beyex.

San Juan 16:23

Ta hich ora mayuc bin yac ajoc'oboniquix a. Tulan sc'oblal ya calbeyex, spisil te bin yac ac'ambeyic te Jtat ta scuenta jbihil, ya me ya'beyex.

San Juan 8:31

Te Jesús la yalbe te judíohetic te ch'uhunot yu'une: Teme jun awo'tanic ya x'ayinex ta stojol te jc'ope, mero jnopojelex cu'un ya xc'ohex;

San Juan 8:37

Jna'oj te ha sts'umbalex Abraham; pero yac awalbelonic jmilel, como mayuc ta awo'tanic te jc'ope.

Gálatas 4:2

ay ta cuentahinel yu'un jcanantaywanejetic soc jcuentahinwanejetic ha to c'alal ya sta yorahil te chapal yu'un te state.

Gálatas 5:16

Ha yu'un ya calbeyex, behenanic ta scuenta te Espíritu, ma me xapasic te bintic ya sc'an te apoco'-talelic,

Deuteronomio 6:6

Ac'a ta awo'tan spisil te bintic la jcalbat awa'iy ta ora ini;

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

1 Juan 2:14

Ha'ex tatiletic, ya jts'ihbabeyex como ana'beyejiquix sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como ay awipic, soc ay ta awo'tanic te sc'op Dios, soc atsalojiquix te mach'a chopole.

1 Juan 2:27

Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

1 Juan 3:22

soc ha ya ya'botic spisil bintic ya jc'ambetic, como ya jch'uhumbetic te mandariletic yu'un soc ya jpastic te bin lec yo'tan yu'une.

1 Juan 5:14

Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.