San Juan 15:6 - Bible in Tzeltal Bachajón

⁶ Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Nuevo Testamento Tzeltal de Amatenango

⁶ Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

Bible in Tzeltal de Oxchuc y Tenejapa

⁶ Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Juan 15:6 ပူးပေါင်းရင်းမြစ်များ

2 Samuel 23:7

Teme ay mach'a ya sc'an ya stsac, ha to teme ya stsac a'tejibal-taq'uin soc ste'el lanza, soc tey nix ya yich'ic chiq'uel ta c'ahc', xchi.

Job 15:30

Ma ba ya xcol loq'uel ta yihc'al q'uinal; ya xtaquij spuhl yu'un yat c'ahc' soc ya x'ehanot bahel ta yic'al ye Dios.

Salmos 80:15

ha te ts'usubil te la ats'un ta swa'el ac'ab, ha te spuhl te la awac' ch'ihyuc yu'un ha awu'un ya xc'oht.

Isaías 14:19

Yan te ha'ate, ch'ojbilat loq'uel ta amuquenal hich te bin ut'il te bin ihlaybil, hich te bin ut'il sc'u' te mach'atic chamenic te lowbilic ta espada, te cohic bahel ta sc'ubulil te muquenal, hich te bin ut'il chamen baq'uet te ts'o'ts'o'tec'bil.

Isaías 27:10

Jochol ya xhil te pueblo joytaybil ta ts'ahc, te pueblo te ay yajwal, ihquitaybil ya xhil hich te bin ut'il jochol taq'uin q'uinal; tey ya xwe'ic tut wacaxetic a, tey ya spahcan sbahic a soc ya slajimbe te sc'abc'ab te ha'maletic yu'une.

Ezequiel 17:9

Hich me xawalbe: Hich yaloj te Jehová: ¿Lec bal ya xc'oht? ¿Ma bal yacuc sbulbe loq'uel slohp' soc yacuc sjimbe te sit te hich ya xtaquij? Spisil te yuhninal spuhl ya xtaquij; ma sc'an bayel yip o tsobol winiquetic yu'un ya yich' bulel ta slohp'.

San Mateo 13:41

Te Nich'anil ay ta scuenta winic ya me sticon bahel te ch'ul a'batetic, ya me stsobic tey ta yohlil banti ay te cuentahinel yu'un spisil mach'atic ya ya'be sta smulic soc te ya spasic te bintic chopol,

San Mateo 27:5

Ha yu'un la sch'oj hilel ta Templo te lajuneb scha'winic (30) ta sehp plata, loc' bahel soc baht sjihpan sba ta te'.

San Mateo 3:10

Te echej chapalix yu'un sbojel te slohp' te te'etique. Ha yu'un spisil te te'etic te ma ba lec sit ya yac' ya yich' ts'etel soc ya yich' otsesel ta c'ahc'.

San Mateo 7:19

Spisil te' te ma lecuc sit, ya yich' ts'etel soc ya yich' otsesel ta c'ahc'.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Hebreos 10:27

ha xanix te castigo te xiweltic sba soc te c'ahc' te xpululet ta tihlel te ya slajinlan mach'atic scontrahinejic te Diose.

2 Pedro 2:20

Teme ahnemiquix loq'uel ta stojol te sbohlil te bahlumilal ta scuenta te ya sna'beyic sba te Jesucristo te Cajwaltic soc Jcoltaywanej cu'untic, teme ya xchuc xan sbahic soc ya xtsalotic yu'un, c'ax chopol ya xc'ohtic a te bin ut'il ta nahil to.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.