San Juan 15:24 - Bible in Tzeltal Bachajón

²⁴ Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

Nuevo Testamento Tzeltal de Amatenango

²⁴ Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

Bible in Tzeltal de Oxchuc y Tenejapa

²⁴ Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 15:24 ပူးပေါင်းရင်းမြစ်များ

Salmos 81:15

Te mach'atic ya sp'ajic te Jehová ya me sc'ol sbahic yu'un xiwel ta stojol, soc sbahtel q'uinal ma xlaj te castigo yu'unique.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 21:32

como te Juan tal ta atojolic yu'un ya ya'beyex awilic te be yu'un te bin stojil ay ta pasel, pero ma ba la ach'uhunic, yan te jc'an-patanetic soc te j'antsineletic la sch'uhunic stuquelic. Pero te ha'exe, aunque la awilic, ma ba la asuhtes awo'tanic yu'un yac ach'uhunic.

San Mateo 9:33

C'alal loq'uesbot te pucuje, c'opoj te uma'. Xcham yo'tanic yu'un te mach'atic tey ayic a, hich la yalic: Mayuc hich quilojtic ta Israel, xchihic.

San Marcos 2:12

Ora hahch, la sq'uech bahel te schahchamte'el ta stojol spisilic. Xcham yo'tan spisilic yu'un soc la yalbeyic yutsil sc'oblal te Diose, hich la yalic: Mayuc hich quilojtic a ini, xchihic.

San Lucas 24:19

¿Binti a? xchi te Jesús. Ha te Jesús te talem ta Nazaret, te ha jalwanej, te ay bayel yip ya'tel soc yip sc'op ta stojol Dios soc ta stojol spisil ants-winiquetic,

San Juan 10:32

pero la yal te Jesús: La jca'beyex awilic bayel lequil a'teliletic yu'un te Jtate. ¿Bin a'telil te yac ach'ojonic ta ton yu'une? xchi.

San Juan 10:37

Teme ma ba yacon ta spasbeyel ya'tel te Jtate, ma me xach'uhunonic.

San Juan 12:10

Ha yu'un te principal sacerdotehetic ha nix hich la schapbeyic sc'oblal ta milel te Lázaro,

San Juan 12:45

soc te mach'a yac yilbelon, ha yac yilbel te mach'a la sticonon tale.

San Juan 14:9

Halbot yu'un te Jesús: Ayix ora joquimbelex, ¿ma to xana'bon jba, Felipe? Te mach'a yilojonix, ha nix yilojix te Tatile. ¿Bin yu'unix a hiche te hich yac awal: Ac'a quilcotic te Tatil, te xchihate?

San Juan 15:21

Pero ya me spasbeyex spisil ini ta scaj te jbihile, como ma sna'beyic sba te mach'a la sticonon tale.

San Juan 15:22

Te manchuc talucon soc te manchuc la jc'oponic, mayuc smulic te hichuque; pero ta ora ini, ma xwehtix bin ya yalic yu'un te smulique.

San Juan 15:23

Te mach'a ya sp'ajon, ha nix hich ya sp'aj te Jtate.

San Juan 16:9

Ya ya'be sna'ic bin ut'il ay sc'oblal mulil, como ma ba ya sch'uhunonic;

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

San Juan 6:36

Pero hich te bin ut'il la jcalbeyexix, aunque la awiloniquix, pero ma ba yac ach'uhunic.

San Juan 7:31

Pero tsobol ants-winiquetic la sch'uhunic, soc hich la yalic: Te c'alal ya xtal te Cristo, ¿c'ax bal hich señahiletic ya spas a te bin ut'il ya spas te winic ini? xchihic.

San Juan 9:32

Yalel ta shahchibal mayuc ya xchicnaj ta halel te ya xjambot sit te mach'a ts'o'sit a te ayine.

San Juan 9:41

La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

Romanos 1:30

jwulwul-c'opetic, jp'aj-diosetic, jc'ahc'al-c'opetic, jtoybahetic, jtoybac'opetic, jnop-muliletic, jc'axun-c'opetic,

Deuteronomio 5:9

Ma me xaquejan aba ta stojolic soc ma me xawac' aba ta a'batinel yu'unic, como ho'on Jehovahon te Dioson awu'un xut'et co'tan, ya ca'be castigo yu'un smulic te me'iltatiletic te yal-snich'nabic ta yoxcajal soc ta schancajal te mach'atic ya yil-o'tantayonic,

2 Timoteo 3:4

j'ac'awetic ta c'abal, ma sna'ic stsahtayel sbahic, stuquel nax muc' ya scuy sbahic, c'ax hich c'ux ta yo'tanic a te bintic ay ta ac'oltayel ta bahlumilal te bin ut'il c'ux ta yo'tanic te Diose,

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.