San Juan 15:22 - Bible in Tzeltal Bachajón

²² Te manchuc talucon soc te manchuc la jc'oponic, mayuc smulic te hichuque; pero ta ora ini, ma xwehtix bin ya yalic yu'un te smulique.

Nuevo Testamento Tzeltal de Amatenango

²² Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

Bible in Tzeltal de Oxchuc y Tenejapa

²² “Te manchuc talucone, soc te manchuc la jc'opone, ma'yuc smulic te jichuque. Ta ora to ma xju'ix te ya smac sbaic ta c'op yu'un te smulique.

San Juan 15:22 ပူးပေါင်းရင်းမြစ်များ

Ezequiel 2:5

Teme ya ya'iybat ac'op o teme ma ba ya ya'iybat ac'op, (como ha toyba pueblo), ya me sna'ic te ay jtuhl jalwanej ta yohlilic.

San Lucas 12:46

ma ba yac ta mahlab a ya xhul ta tahel yu'un te yajwal, te bin ora ma ba yac sna'bele. Ya me x'a'bot tulan castigo soc ya x'a'bot sjoquin mach'atic mayuc sch'uhunel yo'tanic.

San Juan 12:48

Te mach'a ya sp'ajon soc te ma ba ya yich'bon ta cuenta te jc'ope, ay bin ya x'ich'ot ta c'op yu'un: ha te jc'op te caloje, ha ya x'ich'bot sc'op yu'un ta slajibal c'ahc'al.

San Juan 15:23

Te mach'a ya sp'ajon, ha nix hich ya sp'aj te Jtate.

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

San Juan 16:9

Ya ya'be sna'ic bin ut'il ay sc'oblal mulil, como ma ba ya sch'uhunonic;

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

San Juan 9:41

La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

Hechos 17:30

Ta namey mayuc ta cuenta yu'un Dios te bin ut'il ma ba la sna'ic q'uinal, pero yo'tic yaquix spasbel ta mandar spisil ants-winiquetic ta bayuc te ac'a suhtes yo'tanic;

Romanos 1:20

Como ta shahchel to bahlumilal, te bintic ay yu'un Dios te ma chicanuc ta ilel, ha te yu'el te sbahtel q'uinal ay soc te bin ut'il stalel Dios stuquel, jamal chican ta ilel ta scuenta te bintic spasoj, hich ma xweht bin ya smac sbahic ta c'op a.

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

Santiago 4:17

Te mach'a sna'oj te bin lec ta pasel, pero teme ma ba ya spas, ha smul abi.

1 Pedro 2:16

Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.